Այս տարի Ախալքալաքի մունիցիպալիտետի բյուջեով միջոցներ են հատկացվել Ախալքալաքի Խաս Բախչա զբոսայգու տարածքում սրճարանի կառուցման համար։
Համաձայն ամռանը Խաս Բախչա զբոսայգում անցկացված բնակչության հարցումների, թե ինչ կցանկանային լիներ քաղաքում, շատ բնակիչներ, ովքեր զբոսնում էին այգով, ասել են, որ զբոսայգում և դրա շրջակայքում բավարար սրճարաններ չկան՝ երեկոյան այնտեղ ժամանակ անցկացնելու համար։ Իսկ այս տարի Ախալքալաքի մունիցիպալիտետի բյուջեով սրճարանի կառուցման համար հատկացվել է 250 հազար լարի։
Ախալքալաքի մունիցիպալիտետի սակրեուբլոյում քննարկման ժամանակ խոսվել է Ջիվանու զբոսայգում այս տարի կառուցված սրճարանի մասին։ Պատգամավորները քննարկել են նաև այն, որ անհիշելի ժամանակներից այնտեղ եղած վագոնները հանվելու են, սակայն վերջին վերանորոգման ժամանակ հանվել է նաև հին սրճարանը՝ ռետրո սեղաններով և աթոռներով։
«Այս հարցը կքննարկվի, որտեղ է գտնվելու սրճարանը, քննարկմանը ներկա կլինեն նաև բնակչության ներկայացուցիչներ, որտեղ հարմար լինի, այնտեղ կլինի: Մենք ուզում ենք ժամանակակից, հետաքրքիր սրճարան, որը համապատասխանում է ներկայիս չափանիշներին։ Ինչ վերաբերում է զբոսայգու զետեղարանների ապամոնտաժմանը, ապա կգա ժամանակը, և դա հայտնի կդառնա: Եկե՛ք ժամանակից առաջ չանցնենք, մենք չենք ուզում ապատեղեկատվություն տարածել կամ սխալ տեղեկատվություն տալ: Թե ով է կառավարելու սրճարանը՝ մենք կորոշենք հետո, կլինի կա՛մ աճուրդ, կա՛մ ուղղակի պայմանագիր»,- ասում է Ախալքալաքի քաղաքապետ Մելքոն Մակարյանը։
