Ախալքալաքի Հանրային առողջության կենտրոնի (ՀԱԿ) տվյալներով՝ տարեսկզբից մարդու վրա կենդանու հարձակման միայն մեկ դեպք է գրանցվել՝ հունվարի 8-ին, առնետը մարդու է կծել։ 2023 թվականին Ախալքալաքի մունիցիպալիտետի բնակիչների վրա 149 կենդանիների հարձակում է գրանցվել։
Անցյալ տարի մարդկանց վրա 149 կենդանիների հարձակումներից 9-ը գրանցվել է միայն դեկտեմբերին: Հարկ է նշել, որ 2022 թվականին կենդանիների կողմից մարդկանց վրա հարձակման 81 դեպք է գրանցվել։ Ամենաշատ կծոցները գրանցվել են շներից, սակայն անցյալ տարի գրանցվել են ոչ միայն շների, այլև կատուների և առնետների կծելու դեպքեր։
Նշենք, որ մինչև անցյալ տարի առնետների հարձակումները բնակիչների վրա հազվադեպ էին։ Տարեկան նման 2-3 դեպք է լինում։
Ինչ վերաբերում է անօթևան շներին, ապա այս տարի այս հարցը մնում է չլուծված։ Ախալքալաքի քաղաքապետարանը 26 000 լարի է հատկացրել Ախալքալաքի մունիցիպալիտետի տարածքից անօթևան շների տեղափոխման և ստերջացման համար, նույնքան գումար հատկացվել է նախորդ տարվա 2023 թվականի բյուջեից։
Միակ բանը, որ կարելի է անել Վրաստանի օրենսդրության շրջանակներում՝ մարդկանց անօթևան շներից պաշտպանելու և վերջիններիս իրենց իսկ ցեղակիցների ատամներից պաշտպանելու համար, դա թակարդումն է, ստերջացումը, ամորձատումը, պատվաստումը, նույնականացումը և իրենց բնակավայր վերադարձն է։ Ամեն տարի մունիցիպալ իշխանություններն Ախալքալաքի բյուջեից այդ ծառայությունների համար հատկացնում են մոտ 25000 լարի, սակայն իրավիճակը չի բարելավվում։
