Միջազգային նշանակության Մցխեթա-Ստեփանծմինդա-Լարս ավտոճանապարհի Գուդաուրի (Փոստա-Կոբի) հատվածում ձնահյուսի վտանգի բարձր մակարդակի պատճառով բոլոր տեսակի տրանսպորտային միջոցների տեղաշարժն արգելված է։
Բքի և ձյան պատճառով Ախալցիխե-Նինոծմինդա միջազգային նշանակության ավտոճանապարհի 112 90 կմ հատվածում բոլոր տեսակի տրանսպորտային միջոցների տեղաշարժն արգելված է։ Հայաստանի սահման տանող ճանապարհն է։ Ճանապարհի մնացած հատվածում երթևեկությունն ազատ է։
Ձյան և սառնամանիքի պատճառով Գոմի-Սաչխերե-Ճիատուրա-Զեստափոնի հանրապետական նշանակության ավտոճանապարհին արգելվում է կցորդիչներով և կիսակցորդիչներով տրանսպորտային միջոցների տեղաշարժը, մյուս տեսակի տրանսպորտային միջոցների տեղաշարժն ազատ է։
Բարդ օդերևութաբանական պայմանների պատճառով (առատ ձյուն, բուք, սահմանափակ տեսանելիություն) Կոդա-Փարծխիսի-Մանգլիսի-Ծալկա-Նինոծմինդա (Փարվանայի լեռնանցք) ներքին նշանակության ավտոճանապարհին բոլոր տեսակի տրանսպորտային միջոցների տեղաշարժն արգելված է։ Մնացած հատվածներում երթևեկությունն ազատ է։
