Վերջին 10 տարիների ընթացքում վրացական բուհերում օտարերկրյա ուսանողների թիվն աճել է 20 անգամ։
2011-2012 ուսումնական տարվանից ի վեր Վրաստանի բարձրագույն ուսումնական հաստատություններում օտարերկրյա ուսանողների թիվն աճել է 20 անգամ և կազմել 25 100 մարդ, – ասվում է Galt&Taggart ներդրումային բանկի զեկույցում։
2022-2023 ուսումնական տարում միջազգային ուսանողները կազմել են ընդհանուր ընդգրկվածության 15.2%-ը: Ուսանողների մեծամասնությունը Հնդկաստանից է (52.1% 2022/23 ուսումնական տարում), Հորդանանից (8.7%) և Իսրայելից (5.5%):
2022-2023 ուսումնական տարվա դրությամբ միջազգային ուսանողների մեծ մասը (74.6%) սովորում է մասնավոր բուհերում։
Ծրագրերի առումով միջազգային ուսանողների շրջանում ամենահայտնի ոլորտն առողջապահությունն է (ընդհանուր ընդգրկվածության 88.1%-ը):
Նշենք, որ բուհերում արտասահմանցի ուսանողների տեսակարար կշիռը գերազանցում է Իտալիայի, Խորվաթիայի և Լեհաստանի համանման ցուցանիշները, թեև հետ է մնում եվրոպական միջինից։
