Մարտիրոսյանների և Ագաբեկյանների ընտանիքները օգնություն ստացան՝ վառելափայտ, որը գնվել է “ВКонтакте” սոցիալական ցանցում «Երիտասարդ հրաշագործներ» խմբի հավաքած միջոցներով:
Նոյեմբերի 4-ին Ջավախքի տեղեկատվական կենտրոնը հրապարակեց հոդված, որը պատմում էր սոցիալապես անապահով Մարտիրոսյանների ընտանիքի մասին, որը բաղկացած է 4 հոգուց: Ընտանիքն ապրում է քաղաքի ետնախորշերում, Շանհայ կոչվող վայրում: Այստեղ ապրում է մի քանի կարիքավոր ընտանիք: Մարտիրոսյանների ընտանիքը ամենից շատ վառելափայտի կարիք ուներ, քանի որ վառելափայտ գնելու համար ընտանիքը գումար չուներ, նրանք փայտ էին հայթայթում մոտակայքում գտնվող լքված շենքերից: Չնայած դրան, ընտանիքը միևնույն ժամանակ օգնում է կարիքավոր և բազմազավակ ընտանիքներին, իրենց հարևաններին:
երիտասարդները կարդացել են հոդվածը, ովքեր ծնունդով Ախալքալաքից են, բայց ապրում են Ռուսաստանում: Իրենց նախաձեռնությամբ սկսվեց դրամահավաք VK (Вконтакте) սոցիալական ցանցի խմբում, որը մասնակիցները կատակով անվանել են «Երիտասարդ հրաշագործներ»: Հավաքված գումարը՝ 17 819 ռուբլի (690 լարի) նրանք ուղարկել են Ջավախքի լրատվական կենտրոնին: Jnews.ge-ն Ախալքալաքի Սուրբ Խաչ եկեղեցու քահանա Տեր Տաթև Մարուքյանի հետ միասին գնեց վառելափայտ 500 լարիի սահմաններում: Փայտը կիսվեց երկու ընտանիքների` Մարտիրոսյանների և Ագաբեկյանների միջև, որտեղ ապրում են 4 փոքր երեխաներ: Իսկ մնացած 190 լարին Jnews.ge խմբագրությունը տիկնիկ կգնի փոքրիկ Մարիետա Մարտիրոսյանի համար, (այդպես են ցանկացել բարերարները), որը նա այդքան երազում է, ինչպես նաև հագուստ և խաղալիքներ փոքրիկ Ագաբեկյանների համար: