2023 թվականի սեպտեմբերի 4-ից կվերահսկվի ավտոմոբիլային տրանսպորտային միջոցների տեսանելի արտանետումները։ Այս մասին տեղեկություն է տարածում բնապահպանական վերահսկողության վարչությունը։
Հսկողությունը կիրականացվի Շրջակա միջավայրի պահպանության և գյուղատնտեսության նախարարության բնապահպանական վերահսկողության վարչության շարժական բրիգադների կողմից՝ կառավարության որոշմամբ սահմանված նորմերով և կանոններով։
Խախտում հայտնաբերելու դեպքում ֆիզիկական անձը կտուգանվի առաջին անգամ 100 լարիով, խախտումը կրկնվելու դեպքում (նույն արարքը կրկնվում է առաջին տուգանքից 15 օր հետո)՝ 300 լարի։ Վերջին տուգանքից 15 օր հետո՝ 600 լարի։ Իրավաբանական անձը առաջին անգամ կտուգանվի 500 լարիով, երկրորդ խախտման ժամանակ՝ 1500 լարիով, երրորդ խախտման դեպքում՝ 3000 լարիով։
Արտանետումների վերահսկողությունից խուսափելը պատժվում է նույն պատժամիջոցով։ Եթե տուգանքը վճարվի 10 օրվա ընթացքում, ապա տուգանքի չափը կկրճատվի 20%-ով։
«Անձը կազատվի վարչական պատասխանատվությունից, եթե խախտումը հայտնաբերելուց հետո երկու ժամվա ընթացքում վարորդը, սեփականատերը և/կամ տրանսպորտային միջոցի սեփականատերն իր միջոցներով հավատարմագրված տեխզննման կենտրոնում զննի մեքենան, և որոշվի, որ նշված մեքենայի արտանետումները համապատասխանում են սահմանված նորմերին: Ճանապարհներին ավտոտրանսպորտային միջոցների արտանետումներում վնասակար նյութերի բաղադրության հսկողությունը կիրականացվի Վրաստանի չորս խոշոր քաղաքներում՝ Թբիլիսիում, Քութայիսիում, Բաթումիում և Ռուսթավիում»,- ասված է տեղեկատվության մեջ։
