Վրաստանի Քննությունների և գնահատման ազգային կենտրոնը հրապարակել է միասնական ազգային քննությունների բողոքարկման արդյունքները, որոնց դիմորդները կարող են ծանոթանալ գերատեսչության պաշտոնական կայքում։
Բողոքարկման արդյունքների հրապարակումից հետո մեկ ամսվա ընթացքում կարող եք բողոքարկել առարկայական հանձնաժողովի արդյունքները Թբիլիսիի քաղաքային դատարանում։ Կրթական ծրագրերի վարկանիշային ցուցակում փոփոխություններ կատարելու ժամկետը լրանում է օգոստոսի 30-ին ժամը 18:00-ին։
Կենտրոնի տվյալներով՝ այս տարի 128 440 դիմորդների աշխատանքներից բողոքարկվել է 4 292-ը, ինչը կազմում է դիմորդների ընդհանուր թվի 3,34%-ը։ Գնահատականը փոխվել է միայն 1 498 աշխատանքների դեպքում (դիմորդների աշխատանքների ընդհանուր թվի 1,17%-ը)։
Բողոքարկման դեպքերի մեծ մասը վրաց լեզվի և գրականության քննության արդյունքներն են, իսկ ամենաքիչը՝ ֆրանսերենինը։
Այս տարի միասնական ազգային քննություններին մասնակցելու համար գրանցվել է ավելի քան 45000 մարդ, իսկ գրանցված դիմորդների մինչև 94%-ը մասնակցել է քննություններին:
