Առաջին տիպի շաքարային դիաբետով հիվանդ երեխաներին անվճար սմարթֆոններ են սկսել բաժանել՝ վերջին CGM համակարգերից օգտվելու համար:
Վրաստանի Առողջապահության նախարարության տվյալներով՝ 1-ին տիպի շաքարախտով հիվանդ երեխաները սկսել են անվճար ստանալ արյան մեջ գլյուկոզայի քանակության մշտական մոնիտորինգի (CGM) նորագույն համակարգեր և բջջային հեռախոսներ՝ դրանց օգտագործման համար:
Medtronic-Guardian 4-ի 4-րդ սերնդի նորույթ հանդիսացող սարքը, տվյալների ցուցադրման համար չի պահանջում տրամաչափում, նշում են գործակալությունից: Սա շաքարի վերահսկման ժամանակակից տեխնոլոգիա է:
«Եվ երրորդ և չորրորդ սերնդի սարքերն անընդհատ չափում են գլյուկոզայի մակարդակը, գրանցում են գլյուկոզայի ցուցանիշները, տալիս ահազանգ, ինչը թույլ է տալիս արագ արձագանքել և կանխել կյանքին վտանգ սպառնացող վիճակը։
Guardian 4-ն ուսումնասիրվել և հաստատվել է յոթ տարեկան և ավելի բարձր տարիքի հիվանդների մոտ: Ընկերության ներկայացուցիչներն ու մասնագետները խորհուրդ չեն տվել Guardian 4-ի օգտագործումը մինչև յոթ տարեկան երեխաների շրջանում։ Ըստ այդմ՝ այս համակարգը բաժանվում է 7-18 տարեկան երեխաներին և դեռահասներին։ Guardian 3 ընկալիչ-հաղորդիչ սարքերը դեռ կրկին տրվում են մինչև յոթ տարեկան երեխաներին:
Նախարարությունը շարունակում է աշխատել «Medtronic»-ի մասնագետների և ներկայացուցիչների հետ՝ նրանց առաջարկությունների հիման վրա՝ դիտարկելու տարիքը նվազեցնելու և մինչև յոթ տարեկան երեխաներին 4-րդ սերնդի սարքով ապահովելու հնարավորությունը։
