Շվեյցարիան չի ճանաչի Ուկրաինայի և Վրաստանի օկուպացված շրջաններում Ռուսաստանի կողմից տրված անձնագրերը։ Այս մասին ասվում է Շվեյցարիայի Դաշնային խորհրդի կայքում հրապարակված հայտարարության մեջ։
«Ռուսաստանի կողմից օկուպացված Ուկրաինայի շրջաններից կամ Վրաստանի անջատողական շրջանների բնակիչներն այլևս չեն կարողանա Շենգենյան վիզա ստանալ կամ հատել Շենգենյան ներքին սահմանը Ռուսաստանի կողմից տրված ճամփորդական փաստաթղթով», – ասվում է հայտարարության մեջ:
Նշվում է, որ խոսքը սովորական և դիվանագիտական անձնագրերի, քաղաքացիություն չունեցող անձանց կացության թույլտվությունների, նավաստիների վերադարձի և ինքնության վկայականների մասին է։
Ուկրաինայի օկուպացված տարածքների համար չեն ճանաչվի կատարման այլ ժամկետ ունեցող փաստաթղթերը՝ կախված այն բանից, թե երբ են դրանք օկուպացվել Ռուսաստանի կողմից, իսկ Վրաստանի օկուպացված տարածքների համար սահմանվել է մեկ ամսաթիվ՝ 2008 թվականի օգոստոսի 26-ը։
«2008 թվականի օգոստոսին Ռուսաստանը ճանաչեց Աբխազիան և Հարավային Օսիան որպես անկախ երկրներ… Շվեյցարիան այդ շրջանները համարում է Վրաստանի անբաժանելի մաս»,- ասվում է հայտարարության մեջ։
