Ճանապարհների վարչության հաշվեկշռում գտնվող Աղմաշենեբելի փողոցում արդեն մեկ ամիս է, ինչ գծանշումներ ու հետիոտների համար անցումներ են գծանշվել, քանի որ այս հատվածում բազմաթիվ պատահարներ ու հետիոտների հետ բախումներ են լինում։ Սակայն քաղաքի մնացած հատվածներում գծանշումներ և հետիոտնային անցումներ չկան։
Անցյալ տարի՝ 2022 թվականին, Ախալքալաքի մունիցիպալիտետի բյուջեից 30000 լարի է հատկացվել Ախալքալաքի փողոցների գծանշման համար, այս տարի գծանշման և հետիոտնային անցումների համար գումար չի հատկացվել։
Աղմաշենեբելի փողոցի սկզբնամասում Ախալքալաքը նմանվում է քաղաքի: Վրաստանի ավտոճանապարհների դեպարտամենտը գործնականում ստիպել է «Ջավախ ավտո գզա» ընկերությանը գծանշումներ և հետիոտնային անցումներ կատարել։ Նշենք, որ քաղաքի այս հատվածում հաճախ դժբախտ են պատահարներ տեղի ունենում, սակայն դա չի նշանակում, որ այլ փողոցներում պատահարները հազվադեպ են լինում, իսկ բնակիչները սովոր չեն հետիոտնային անցումներին ու փողոցն անցնում են որտեղ պատահի։ Սա զարմանալի չէ, քանի որ գծանշումները, որոնք երբեմն ներկվում են, արագ անհետանում են:
Երբ Jnews-ը կրկին գրեց Աղմաշենեբելի վրա հետիոտնի հերթական վրաերթի հետևանքով անվտանգ տեղաշարժվելու տարրական պայմանների բացակայության մասին, սակրեբուլոյի նախագահ Նաիրի Իրիցյանը նշեց, որ այս հատվածը տեղական իշխանությունների հաշվեկշռում չէ։
«Եթե դա տեղական իշխանությունների գործը լիներ, վաղուց կանեինք: Քաղաքապետարանի հետ միասին ցանկացած տեղական խնդիր ավելի արագ կլուծենք, իսկ երբ խոսքը գնում է պետականի մասին, սկսվում է նամակագրության բյուրոկրատիան»,- ասել է Իրիցյանը 2023 թվականի հունիսի 7-ին Jnews-ի հետ զրույցում՝ մեկնաբանելով այն հարցը, թե ինչո՞ւ տեղական իշխանությունները չեն մտածում քաղաքում և մասնավորապես «վտանգավոր հատվածում» երթեւեկության անվտանգության մասին։
Քանի որ այժմ Աղմաշենեբելի փողոցն ունի գծանշումներ և հետիոտների անցումներ, հարց առաջացավ՝ իսկ մնացած փողոցները և, մասնավորապես, ավտոմեքենաներով ու հետիոտների երթևեկությամբ ոչ պակաս ծանրաբեռնված Աղմաշենեբելի փողոցի շարունակությունը՝ Ազատության փողոցը։
«Այս պահին գծանշում, հետիոտնային անցումներ նախատեսված չեն, բյուջեով դրա համար միջոցներ չունենք, բայց ընթացքում կարող են լինել, մյուս պատճառն այն է, որ ճանապարհներն ասֆալտապատում են, փոսային նորոգում ենք անում, ուստի սա դեռ նախատեսված չէ»,- ասում է Ախալքալաքի մունիցիպալիտետի քաղաքապետարանի տնտեսական զարգացման և ունեցվածքի ծառայության պետ Մնացական Փամբուխչյանը։
Նշենք նաեւ, որ մայրուղու մաս կազմող Ջավախեթյան փողոցի բարեկարգման պատճառով, որը մի քանի տարի ձգձգվում է, քաղաքի կենտրոնում երթեւեկությունը խիստ լարված է։ Այս լարվածության պատճառով կենտրոնում ժամանակավորապես հանվել են երթեւեկության որոշ սահմանափակումներ։ Ինչպես նաև, տեղական իշխանությունները սպասում են Ջավախեթյան փողոցի վերականգնման աշխատանքների ավարտին, որպեսզի վերանայեն և թարմացնեն ճանապարհային նշաններն ու երթեւեկության կանոնները քաղաքում և նրա մուտքերում:
