Մեկնարկել են արտասահմանյան առաջատար կլինիկաներում քաղցկեղ ախտորոշումով երեխաների բուժման համար պետական ֆինանսավորում ստանալու դիմումների ընդունումը։ Այս մասին հայտնում է առողջապահության նախարարությունը։
Ծրագրի գործընկեր կլինիկաներն են՝ Թուրքիայի «Անադոլու բժշկական կենտրոնը», Իսպանիայի «Չիրոն Սալուդ բժշկական կենտրոնը» և Իսրայելի «Իխիլով բժշկական կենտրոնը»։ Փաթեթը ներառում է ախտորոշում և բուժման ստանդարտ կուրս՝ քիմիաթերապիա, ճառագայթային թերապիա, վիրաբուժություն։ Նաև պրոտոնային թերապիա՝ ելնելով հիվանդի կարիքներից։
Ծրագրի շահառու կարող է լինել մինչև 18 տարեկան անձը՝ օնկոլոգիական ախտորոշմամբ (Հիվանդությունների միջազգային դասակարգման (ICD) ծածկագրով): Ծրագրին մասնակցելու համար ծնողը կամ ընտանիքի ներկայացուցիչը պետք է դիմի Առողջապահության նախարարության ընդունարան և տեղում հայտ ներկայացնի, որի համար անհրաժեշտ է. Շահառուի և դիմողի ինքնությունը հաստատող փաստաթուղթ (ծննդյան վկայական/անձնագիր). Շահառուի առողջական վիճակի վկայական՝ N IV-100/a ձև՝ նշելով համապատասխան ICD-10 և/կամ NCSP ծածկագրերը (թարգմանված անգլերեն, վավերացված նոտարական կարգով), Առկա ախտորոշիչ հետազոտությունների (ձևաբանություն, CT և այլն) պատասխաններ (թարգմանված անգլերեն, վավերացված նոտարական կարգով):
Հիվանդները կնշանակվեն կլինիկաներ՝ ելնելով նրանց անհատական կարիքներից, կլինիկայի հնարավորություններից և հիվանդի ընտանիքի ընտրությամբ: Ծրագրի մասին մանրամասն տեղեկություններ կարելի է ստանալ զանգահարելով Առողջապահության նախարարության թեժ գիծ՝ 15 05։
Արտերկրում բուժման ծրագիրն անցումային փուլ է Վրաստանում՝ մինչև մանկական ուռուցքաբանության պետական կենտրոնի բացումը, որը հագեցած է ժամանակակից չափանիշներով, բարձր տեխնոլոգիական սարքավորումներով, որտեղ մեկ տարածքում հասանելի կլինի բժշկական ծառայությունների ամբողջական փաթեթը։ Այդ ուղղությամբ Առողջապահության նախարարությունն ակտիվորեն աշխատում է»,- նշված է Հարկադիր վերաբնակեցվածների, աշխատանքի, առողջապահության և սոցիալական պաշտպանության նախարարության տեղեկատվության մեջ։
