Շրջակա միջավայրի և գյուղատնտեսության նախարարությանը կից ազգային անտառային գործակալության աշխատակիցները հուլիսի 13-ին, քիմիական նյութեր են ցողել անտառի վրա, որը հարձակման է ենթարկվել սոճու մետաքսագործների կողմից։
Անցած շաբաթ հայտնի դարձավ, որ սոճու վնասատուն գործնականում չորացրել է փշատերև անտառային գոտին, որը գտնվում է Կիրովական և Կումուրդո գյուղերի միջև։ Միջատների մասնագետները՝ միջատաբանները, եղել են Ախալքալաքում և ուսումնասիրել անտառային գոտի ներխուժման դեպքը, հայտնաբերել են վնասատուին՝ սոճու մետաքսագործին (Dendrolimus pini):
Այսօր երկու անգամ անտառը քիմիկատներով են ցողել։ 32 հեկտար ընդհանուր մակերեսով անտառն ամբողջությամբ չի տուժել փշատերեւ ասեղներով սնվող վնասատուից։ Կանխարգելման նպատակով ամբողջ անտառը մշակվել է քիմիական նյութով։ Ինչպես ասել են նախարարության աշխատակիցները՝ Decis Fluxx քիմիկատը թույլ դեղաչափերով օգտագործվում է կարտոֆիլի բզեզներին ոչնչացնելու համար: Հետեւաբար, այն անվտանգ է բույսերի համար: Գործակալության աշխատակիցները նախապես խնդրել են մարդկանց հեռու մնալ տեղանքից և կովերի նախիրը հեռացնել անտառից։
Քիմիական նյութի ազդեցությունը նկատելի էր, մի քանի ժամ անց սոճու մետաքսագործի թրթուրները կույտերով ընկնում էին գետնին։ Մասնագետների կարծիքով՝ արդյունքը կգնահատվի մոտ 10 օրից։ Այնուհետև միջատաբանները նորից կգան անտառ և անհրաժեշտության դեպքում անտառը երկրորդ անգամ կմշակեն քիմիական նյութերով։ Շրջակա միջավայրի և գյուղատնտեսության նախարարության աշխատակիցների խոսքով, սա առաջին դեպքն է շրջանում, երբ նման քանակությամբ սոճու մետաքսագործներ ոչնչացնում են փշատները։ Մասնագետները վնասատուի առաջացման պատճառներից են համարում հակասանիտարական պայմանները, որոնք նկատվում են անտառային գոտում։ Պլաստիկը և ապակյա շշերն ու սննդի փաթեթավորումները մեծ քանակությամբ թափված էին գետնին։
href=”https://www.flickr.com/photos/146332062@N03/53043510563/in/dateposted/” data-flickr-embed=”true”>
Փորձագետները նշում են, որ վնասված անտառը կվերականգնվի։
