Վրաստանի ռազմավարական վերլուծության կենտրոնը (GSAC) Վրաստանում Լեհաստանի Հանրապետության դեսպանության աջակցությամբ շարունակում է «Կայուն էթնիկ փոքրամասնություններն ի պատասխան ապատեղեկատվության և հիբրիդային սպառնալիքների» ծրագիրը։
Ծրագիրը նախատեսված է Ախալքալաքում բնակվող տեղի քաղաքացիական հասարակության ներկայացուցիչների, ուսուցիչների և երիտասարդության համար։
Ծրագրի նպատակն է բարձրացնել էթնիկ փոքրամասնությունների, այդ թվում՝ քաղաքացիական հասարակության անդամների և երիտասարդության կենսադիմացկունությունը, նրանց տալ անհրաժեշտ հմտություններ՝ բացահայտելու հիբրիդային սպառնալիքների բաղադրիչները, ինչպիսիք են ապատեղեկատվությունը, քարոզչությունը, կեղծ լուրերը:
Ծրագրի շրջանակներում կանցկացվի քառօրյա թրեյնինգ, որի արդյունքում մասնակիցները կստանան տեսական գիտելիքներ ապատեղեկատվության և հիբրիդային պատերազմի մասին, իսկ դասախոսություններից հետո նրանք կկարողանան կիրառել այդ գիտելիքները պրակտիկ սիմուլյացիայի միջոցով, որը կկրի ինտերակտիվ բնույթ:
Ծրագրի ունկընդիրները տեղեկատվություն կստանան հետևյալ թեմաների շուրջ.
● Տեղեկատվական և հոգեբանական պատերազմ
● Հակարևմտյան ապատեղեկատվություն
● Խորհրդային Միություն՝ երևակայություն և իրականություն
● Ստալին. բռնակալ թե հերոս
● Ստալինիզմի քարոզչական մեթոդները
Ծրագիրը կանցկացվի Ախալքալաքում հունիսի 5-ից մայիսի 8-ը։
Ախալքալաքում դասընթացին մասնակցել ցանկացողները պետք է գրանցվեն հետևյալ հղումով՝ https://forms.gle/3EmKWnGyEDn17aRS7.
Դասընթացի ավարտին ծրագրի մասնակիցներին կտրվեն հավաստագրեր։
