Վրաստանում նախատեսվում է ժամանակավորապես ներմուծման հարկ սահմանել Վրաստան ներկրվող ալյուրի վրա։ Որոշումն ընդունվել է Շրջակա միջավայրի պահպանության և գյուղատնտեսության նախարարությունում՝ հացահատիկ, ցորեն և ալյուր արտադրողների ասոցիացիայի, հաց արտադրողների միության ներկայացուցիչների և նախարարի համատեղ հանդիպումից հետո։
Նախարարության մամուլի ծառայությունը հայտնում է, որ տեղական շուկայում հացահատիկի և ալյուրի իրացումը խթանելու նպատակով հունիսի 10-ից նախատեսվում է ներմուծվող ալյուրի հարկ սահմանել 5 ամիս ժամկետով։
Նշենք, որ ցորեն արտադրող ֆերմերները բազմիցս ակցիա են անցկացրել՝ պահանջելով հարկեր սահմանել Վրաստան ներկրվող ալյուրի վրա։
Վրաստանն իրեն ցորենով ապահովում է սպառվող ապրանքների ընդհանուր քանակի միայն 15%-ը։ Մնացածը գալիս է ներմուծումից։ Ցորենի հիմնական մատակարարը Ռուսաստանն է։ 2022 թվականին Վրաստանը Ռուսաստանի Դաշնությունից ներմուծել է ավելի քան 184 հազար տոննա ցորեն։ Դրան հաջորդում են Ղազախստանն ու Ուկրաինան։ Վրաստանի իշխանությունները բազմիցս հայտարարել են, որ առաջիկա տարիներին ծրագրում են աճեցված ցորենի քանակը հասցնել սպառված քանակի 50%-ի։
