Այսօր Սուրբ Հարությանը նախորդող կիրակի օրը, Հայ Առաքելական Սուրբ Եկեղեցին տոնեց Ծաղկազարդը, որը խորհրդանշում է Հիսուս Քրիստոսի հաղթական մուտքը Երուսաղեմ:
Թբիլիսիի առաջնորդանիստ Սուրբ Գևորգ և Սուրբ Էջմիածին Եկեղեցիների բակը վաղ առավոտից մարդաշատ էր: Մարդիկ մեծ ոգևորվածությամբ շնորհավորում էին իրար տոնի կապակցությամբ ու շտապում վերցնել ուռենու ուստերը:
Օրվա ընթացքում չէր դադարում մարդկանց հոսքը եկեղեցիներ: Հոգևոր հայրերի կողմից օրհնվում էին ուռենու ոստերը ու բաժանվում ժողովրդին, քանզի ոստեր և ճյուղեր ընծայելը խորհրդանշում է առանձնակի պատիվներ և հանդիսավորություն:
Եկեղեցիների բակերում կարելի էր տեսնել տարբեր տեսակի ճյուղեր, որոնք մարդիկ գնում և իրենց հետ տանում էին եկեղեցի:
Կատարվեց նաև մանուկների օրհնության կարգ:
