Թբիլիսիի Ադամյանի անվան թատրոնի գեղարվեստական ղեկավար Արմեն Բայանդուրյանը «Ռևիզոր» ներկայացման համար արժանացել է Շահվերդյանի անվան հատուկ մրցանակին։ Իսկ Ստանիսլավսկու անվան ռուսական թատրոնի «Կեղծ նոտա» բեմադրության համար Թբիլիսիի Պետրոս Ադամյանի անվան պետական դրամատիկական թատրոնի ռեժիսոր Լևոն Ուզունյանն արժանացել է «Արտավազդ» մրցանակի` «Լավագույն կամերային ներկայացում» անվանակարգում։
«Արտավազդ» 22-րդ թատերական մրցանակաբաշխությունն այս տարի նվիրված է ժողովրդական արտիստ Վահե Շահվեդյանին։
«Ռևիզոր ներկայացման համար մեր թատրոնի գեղարվեստական ղեկավար Արմեն Բայանդուրյանն արժանացավ Վահե Շահվերդյանի անվան Արտավազդ հատուկ մրցանակի։ Շնորհակալ ենք պարտավորեցնող գնահատանքի համար:
Ստանիսլավսկու անվան ռուսական թատրոնի` Կեղծ նոտա բեմադրության հեղինակ, մեր թատրոնի ռեժիսոր Լևոն Ուզունյանն արժանացել է Արտավազդ մրցանակի` լավագույն կամերային ներկայացում անվանակարգում։ Հպարտ ենք», – կարդում ենք Թբիլիսիի Ադամյանի անվան թատրոնի ֆեյսբուքյան էջում:
Հայաստանի Թատերական գործիչների միությունը «Արտավազդ» մրցանակաբաշխությունը հիմնադրել է 2002 թվականին, և այն ավանդաբար անցկացվում է մարտի 27-ին՝ Թատրոնի միջազգային օրը։