Ներկայում Վրաստանի շուրջ 1 700 000 քաղաքացի կենսաչափական անձնագիր ունի, – հաղորդում է Պետական ծառայությունների զարգացման գործակալությունը, Վրաստանի և Եվրամիության միջև առանց վիզայի ռեժիմի վեցամյակի կապակցությամբ:
«Արդարադատության նախարարության պետական ծառայությունների զարգացման գործակալությունը զգալի ներդրում է ունեցել ԵՄ երկրների հետ Վրաստանի քաղաքացիների համար առանց վիզայի ռեժիմի սահմանման և պահպանման գործընթացում։ Եվրամիության հետ համագործակցությամբ հաջողությամբ իրականացված վիզաների ազատականացման գործողությունների ծրագրի հիմնական նպատակներից էր փաստաթղթերի անվտանգության ապահովումը։
Պետական ծառայությունների զարգացման գործակալության կողմից տրված անձը հաստատող փաստաթղթերի, էլեկտրոնային անձը հաստատող փաստաթղթի և կենսաչափական անձնագրի հուսալիությունը միջազգայնորեն ճանաչված է։
Վրաստանի քաղաքացու կենսաչափական անձնագիրը բարձր տեխնոլոգիական ճանապարհորդական փաստաթուղթ է, որը պաշտպանված է կեղծիքից:
Վրացական անձնագրով հնարավոր է առանց վիզայի ճանապարհորդել աշխարհի 106 երկիր։
Այս պահին Վրաստանի շուրջ 1 մլն 700 հազար քաղաքացի ունի կենսաչափական անձնագիր»,- նշվում է Պետական ծառայությունների զարգացման գործակալության հաղորդագրության մեջ։
