Մարտի 24-ին, ԱՄՆ դեսպան Քելլի Դեգնանի Ախալքալաք կատարած այցի շրջանակներում հանդիպում է տեղի ունեցել Ջավախքի տեղական հասարակական կազմակերպությունների և ԶԼՄ-ների հետ։
ԱՄՆ դեսպան Քելլի Դեգնանը 3-րդ այցն է շրջան՝ Վրաստանում ԱՄՆ դեսպանի պաշտոնավարման ընթացքում։ Նա հանդիպել է հասարակական կազմակերպությունների և լրատվամիջոցների հետ՝ լսելու նրանց առաջարկներն ու հարցերը։ Հանդիպումը տեղի է ունեցել Ախալքալաքի SEREC գրասենյակում։
Հասարակական կազմակերպությունները դեսպան Քելլի Դեգնանի հետ կիսվեցին իրենց մտահոգություններով և փորձով, խոսեցին Ռուսաստանից տնտեսապես կախված տարածաշրջանի առանձնահատկությունների, ինչպես նաև այն մասին, որ մարզային հասարակական կազմակերպությունները և լրատվամիջոցները, ի տարբերություն կենտրոնականների, անկում են ապրում, ինչը բացատրում է այն փաստը, որ երբ բոլոր խոշոր քաղաքներում բողոքի ցույցեր էին անցկացվում ընդդեմ այսպես կոչված «Օտարերկրյա գործակալների մասին» օրինագծի, մարզերը լուռ էին: Նաև այն մասին, որ շրջանում կա ռուսական քարոզչության ուժեղ ազդեցություն՝ ի դեմս ռուսական ԶԼՄ-ների, որոնք տեղացիները դիտում են՝ իմանալու համար, թե ինչ գործընթացներ են տեղի ունենում երկրում, որտեղ նրանք հացի գումար են վաստակում։ Ոչ առևտրային կազմակերպությունների ներկայացուցիչները խոսեցին նաև մարզերում աշխատանքի մոտեցումը փոխելու և երբեմնի հաջողված բանաձեւը փոխելու անհրաժեշտության մասին։ Մարզային ՀԿ-ների դերը պետք է փոխվի շահառուից գործընկեր: Մոտեցման փոփոխությունը կօգնի զարգացնել մարզերը և մարզային ՀԿ-ները։ Ինչպես ցանկացած ոլորտում, այստեղ նույնպես անհրաժեշտ է ապակենտրոնացում։
Դեսպան Քելլի Դեգնանը լսեց բոլոր առաջարկները և ներկաներին ասաց, որ իր լսածի հիման վրա մտածում է, որ ինչ-որ բան պետք է փոխվի: Դեսպանը նաեւ հաղորդեց, որ ԱՄՆ-ը չի կարող շահագրգռված լինել Վրաստանին պատերազմի մեջ ներքաշմամբ, քանի որ դրա մասին տեղեկություններ են տարածվում։ ԱՄՆ-ի նպատակն է զարգացնել երկրները՝ պահպանելով նրանց բազմազանությունն ու ինքնատիպությունը, որպեսզի պատերազմն ավարտվի և մարդիկ ապրեն խաղաղ պայմաններում, արարեն ու զարգանան։
«ԱՄՆ-ը 30 տարի ներդրումներ է կատարել Վրաստանի զարգացման և անվտանգության համար, ինչպե՞ս կարող են նրանք պատերազմի մեջ ներքաշել ցանկանալ», – ասաց նա՝ խնդրելով հավաքված հանրությանը չհավատալ, եթե հանկարծ նրանք լսեն հակառակը։
Հասարակական կազմակերպությունների ներկայացուցիչների հետ հանդիպումից հետո Վրաստանում ԱՄՆ դեսպանը մեկնեց Կոթելիա գյուղ, որտեղ պետք է անձնապես տեսներ դեսպանատան կողմից ֆինանսավորվող «Smart Village» ծրագիրը։
Դեսպանի գյուղ մեկնելուց հետո SEREC-ի գրասենյակում կազմակերպվեց դասընթաց հասարակական կազմակերպությունների համար, որտեղ ԱՄՆ դեսպանատան աշխատակիցը խոսեց ՀԿ-ների կողմից Վրաստանում ԱՄՆ դեսպանատնից տարբեր միջոցառումների և զարգացման համար ֆինանսավորում ստանալու հնարավորությունների մասին:
