Գիորգի Ամիլախվարին կզբաղեցնի Վրաստանի կրթության և գիտության նախարարի պաշտոնը։ Այս մասին կառավարության վարչակազմում կայացած ճեպազրույցում ասել է Վրաստանի վարչապետ Իրակլի Ղարիբաշվիլին։
Ամիլախվարին փոխարինել է Միխայիլ Չենկելիին, ով նախարարի պաշտոնը զբաղեցնում էր 2019 թվականից։
«Այսօր ձեզ ենք ներկայացնում կրթության և գիտության նոր նախարար Գիորգի Ամիլախվարիին։ Մինչ ներկայացնելն ասեմ, որ արդեն հանդիպել եմ Միխայիլ Չխենկելիի հետ, ով իր սեփական կամքով է հեռացել զբաղեցրած պաշտոնը։ Ուզում եմ նշել, որ Միխայիլ Չխենկելին հաջողակ նախարար էր։ Չորս տարի նա ծառայել է մեր կառավարությանը, երկրին ու մատաղ սերնդին։ Նա իրականացրել է բազմաթիվ կարևոր ծրագրեր և հիմք դրել բազմաթիվ բարեփոխումների։ Գիտական գործունեությանը վերադառնալը Միխայիլ Չխենկելիի որոշումն ու ցանկությունն էր։ Չխենկելին իր աշխատանքը կշարունակի Քութայիսիի միջազգային համալսարանում՝ որպես միջազգային խորհրդատուների խորհրդի նախագահ։ Մեր թիմի՝ կառավարության անունից ուզում եմ շնորհակալություն հայտնել Չխենկելիին կատարած աշխատանքի համար և հաջողություն մաղթել հետագա գործունեության մեջ»,- ասել է վարչապետ Իրակլի Ղարիբաշվիլին։
