Ախալքալաքի մունիցիպալիտետի 13 հանրային դպրոցներում տարբեր առարկաների ուսուցիչների թափուր հաստիքներ են հայտարարվել։ Թափուր աշխատատեղերը հիմնականում գյուղական դպրոցներում են։

Կառավարության teacherjobs.ge կայքում պարբերաբար հայտարարվում են դպրոցների թափուր աշխատատեղերը:

Չնայած այն հանգամանքին, որ արդեն ուսումնական տարին կիսվել է, որոշ դպրոցներում ուսուցիչների պակաս կա։ Գյուղական դպրոցներում հիմնականում պակաս կա անգլերենի, ֆիզիկայի, քիմիայի, վրաց լեզվի և գրականության ուսուցիչների։

2023 թվականի հունվարի 9-ի դրությամբ թափուր հաստիքներ կան հետևյալ դպրոցներում.

Ախալքալաքի շրջանի Կարծախ գյուղի Ջիվանու անվան դպրոցին անհրաժեշտ է անգլերենի ուսուցիչ 1-ին,5-րդ,6-րդ,7-րդ,8-րդ,9-րդ, 11-րդ, 12-րդ դասարանների համար։ Հայտերի ընդունումը մինչև հունվարի 17-ն է։

Բեժանո գյուղի դպրոցին նույնպես անհրաժեշտ է անգլերենի ուսուցիչ 3-րդ,9-րդ,10-րդ,11-րդ և 12-րդ դասարանների համար։ Դպրոցին անհրաժեշտ է նաև ֆիզիկայի ուսուցիչ 7,8,9,10,11 դասարաններում դասավանդելու համար։ Հայտերի ընդունումը մինչև հունվարի 13-ն է։

Փոքր Սամսարում պահանջվում է վրացերենի ուսուցիչ 9,10,11,12 դասարաններում։

Արագվա գյուղի դպրոցին անհրաժեշտ է ֆիզիկայի ուսուցիչ 7-րդ դասարանում, 3-րդ և 4-րդ դասարաններում «Ես և հասարակություն» առարկայի ուսուցիչ և «Տեղեկատվական և հաղորդակցական տեխնոլոգիաներ» առարկայի ուսուցիչ՝ 5-րդ դասարանի համար: Հայտերի ընդունման վերջնաժամկետը մինչև հունվարի 13-ն է։

Բալխո գյուղի դպրոցին անհրաժեշտ է ֆիզիկայի ուսուցիչ։ Դիմումները ընդունվում են մինչև հունվարի 15-ը:

Հոկամ գյուղի թիվ 2 հանրային դպրոցում պահանջվում է 6-րդ դասարանի մաթեմատիկայի ուսուցիչ, նաև 9-րդ և 10-րդ դասարաններում՝ կիրառական արվեստի ուսուցիչ։ Դիմումներն ընդունվում են մինչև հունվարի 12-ը:

Ազմանա գյուղի հանրային դպրոցին անհրաժեշտ է կենսաբանության ուսուցիչ՝ 7-րդ,8-րդ և 9-րդ դասարաններում։ Հայտերն ընդունվում են մինչև հունվարի 12-ը։

Խավեթ գյուղում պահանջվում է 10-րդ դասարանի մաթեմատիկայի ուսուցիչ։ Հայտերն ընդունվում են մինչև հունվարի 10-ը։

Օլավերդ գյուղի հանրային դպրոցին անհրաժեշտ է ֆիզկուլտուրայի և սպորտի ուսուցիչ 5-րդ և 6-րդ դասարաններում։ Հայտերն ընդունվում են մինչև հունվարի 10-ը։

Լոմատուրցխ գյուղի դպրոցին անհրաժեշտ է հատուկ ուսուցիչ, հայտադիմումներն ընդունվում են մինչև հունվարի 15-ը։

Ալաթուման գյուղի դպրոցում պահանջվում է անգլերենի ուսուցիչ 3-ից 12-րդ դասարաններում դասավանդելու համար։

Մարտունի գյուղի հանրային դպրոցի առաջին դասարանին անհրաժեշտ է մաթեմատիկայի ուսուցիչ։ Դպրոցին անհրաժեշտ է նաև 4-րդ դասարանի կիրառական արվեստի, 8-րդ դասարանի հայոց լեզվի ուսուցիչ։ Հայտերի ընդունումը մինչև հունվարի 12-ն է։

Մերենիա գյուղի հանրային դպրոցում պահանջվում է հայերենի (ազգային փոքրամասնությունների լեզու), վրացերենի ուսուցիչ։