Ծալկայի մունիցիպալիտետի Ղզրքիլիսա գյուղի, ինչպես նաև հարակից գյուղերի բնակիչներն երեկ՝ դեկտեմբերի 6-ին, Հայկազուն Բաբերցյանի մահվան գործի քննությունն արագացնելու պահանջով, հավաքվել էին Ծալկայի քաղաքապետարանի շենքի մոտ։
Մոտ 100 մարդ հետաքննչական մարմիններից պահանջում էին արդյունավետ միջոցներ ձեռնարկել հանցագործներին կալանավորելու համար։ Նրանք ցանկանում էին զրուցել մեծամասնական պատգամավորի, Ծալկայի մունիցիպալիտետի ղեկավարության, ոստիկանության ներկայացուցիչների հետ։ Նրանք ոստիկաններից պահանջում էին բացահայտել գործը։
Ըստ հավաքվածների, ոստիկանությունն անգործության է մատնված:
Մահացած Գեւորգ Բաբերցյանի եղբոր խոսքով, իրենք մեծամասնական պատգամավորի հետ հեռախոսով պայմանավորվել են հանդիպել այսօր՝ դեկտեմբերի 7-ին, Ծալկայում։
«Որպեսզի ուշադրություն դարձնեն, գործ հարուցեն: Ասում են մենք զբաղվում ենք, բայց արդեն 10 ամիս է անցել, իսկ արդյունք չկա։ Եթե գործն առաջ չշարժվի, մենք ուրիշ քայլերի կգնանք, կգնանք Ռուսթավի, Նախարարություն, այնտեղ հանրահավաք կանենք»,- ասաց Գեւորգ Բաբերցյանը։
Հայկազուն Բաբերցյանի դին հայտնաբերվել է անհետանալուց յոթ ամիս անց։ Նրա աճյունը հողին է հանձնվել մեկ ամիս առաջ։
«Երբ դիակը հայտնաբերել են, մնացել էին միայն ոսկորները, փորձաքննություն են արել, որը հաստատել է, որ դա ինքն է։ Փորձաքննության եզրակացության մեջ գրված է, որ բութ առարկայով հարված է հասցվել գլխին։ Նա շատ գումար է ուներցել մոտը։ Կարծում եմ, նրան փողի համար են սպանել»,- ասում է Գեւորգ Բաբերցյանը։
Նշենք, որ Հայկազուն Բաբերցյանն անհետացել էր այս տարվա փետրվարի սկզբին: Վերջինս երեկոյան դուրս էր եկել տնից ու այլևս չէր վերադարձել։
