Վրաստանի ՆԳՆ-ն քրեական վարույթ է սկսել Զուգդիդիում 15-ամյա դեռահասի սպանության փաստով, որը կատարվել է ծանրացուցիչ հանգամանքներում:
Սպանությունը կատարվել է կիրակի երեկոյան, ֆուտբոլի խաղադաշտի մոտակայքում: 15-ամյա տղան, ով դանակի հարվածներ է ստացել սրտի հատվածում, մահացել է շտապօգնության մեքենայի մեջ:
Տեղի լրատվամիջոցները ենթադրում են, որ անչափահասների միջև տեղի է ունեցել վիճաբանություն, որի հետևանքով էլ կատարվել է սպանություն:
Հանցագործությունը ենթադրում է 16-20 տարի ազատազրկում կամ ցմահ բանտարկություն: