![](https://jnews.ge/am/wp-content/themes/jnews-2.3/images/animal.png)
Զբոսաշրջության ազգային վարչությունը հրապարակել է օգոստոս ամսվա վիճակագրական տվյալները։ Գերատեսչության տվյալներով՝ 2022 թվականի օգոստոսին Վրաստան է այցելել 912 041 միջազգային ճանապարհորդ, 2021 թվականի օգոստոսի համեմատ աճը կազմում է +195,5%, իսկ 2019 թվականի նույն ժամանակահատվածի համեմատ միջազգային ճանապարհորդների այցելությունների վերականգնման ցուցանիշը կազմում է 67,1%։
«Զբոսաշրջային այցելությունների վերականգնման դինամիկան զգալիորեն աճել է։ 2022 թվականի օգոստոսին Վրաստանում տեղի է ունեցել 582 995 միջազգային զբոսաշրջային այցելություն, 2021 թվականի նույն ժամանակահատվածի համեմատ աճը կազմել է +135,8%։ 2019 թվականի նույն ժամանակահատվածի համեմատ միջազգային զբոսաշրջային այցելությունների վերականգնման ցուցանիշը կազմում է 77.4%։
2022 թվականի հունվար-օգոստոս ամիսներին այցելել է 3 256 370 միջազգային ճանապարհորդ, 2021 թվականի նույն ժամանակահատվածի համեմատ աճը կազմում է +208,9%։ 2019 թվականի ութ ամիսների տվյալների համեմատ՝ միջազգային ճանապարհորդների այցելությունների վերականգնման ցուցանիշը կազմել է 51,5%։
2022 թվականի ութ ամիսներին Վրաստանում տեղի է ունեցել 2 251 978 միջազգային զբոսաշրջային այցելություն՝ 2021 թվականի հունվար-օգոստոս ամիսների համեմատ, աճը կազմում է +155%։ 2019 թվականի նույն ժամանակահատվածի համեմատ միջազգային զբոսաշրջային այցելությունների վերականգնման ցուցանիշը կազմում է 65,3 տոկոս»,- ասված է Զբոսաշրջության ազգային վարչությունում։