Բորջոմիում հրդեհի բոլոր օջախները մարվել են: Այս մասին հայտնում է Վրաստանի ներքին գործերի նախարարությունը:
Արտակարգ իրավիճակների կառավարման ծառայությունը մշտադիտարկում է իրականացնում: Տեղում են նաև ներքին գործերի նախարարության աշխատակիցները:
Բորջոմիում օգոստոսի 19-ին հրդեհ է բռնկվել։ Բարդ տեղանքի և եղանակային պայմանների պատճառով հրդեհաշիջման աշխատանքներում ներգրավվել է ավելի քան 250 հրշեջ և երեք ուղղաթիռ:
Բացի այդ, Բորջոմիի մունիցիպալիտետում հրդեհի մարմանը մասնակցել են նաև թուրքական մասնագիտացված հրդեհաշիջման ինքնաթիռները։
