---

Կորոնավիրուսի համավարակի պատճառով տնտեսական ակտիվությունը նվազել է աշխարհի շատ երկրներում՝ մարդիկ կորցրել են իրենց աշխատանքը, փակել բիզնեսները, և այս ամենն ազդել է գործազրկության մակարդակի վրա։

Ռուսական ռազմական ագրեսիան էլ ավելի բարդացրեց տնտեսական ծանր իրավիճակը Ուկրաինայում և ընդհանուր առմամբ տարածաշրջանում, երկրները պայքարում են ռեկորդային գնաճի դեմ, խստացնում են դրամավարկային քաղաքականությունը, իսկ ռեցեսիայի սպառնալիքն այնքան էլ անիրատեսական չէ:

Տարբեր երկրներում գործազրկության մակարդակը տարբեր է, ընդ որում՝ այն զգալիորեն տարբերվում է՝ կախված տարիներից։

Մասնավորապես, Հայաստանում 2017 թվականից գործազրկությունը կազմել է 17,17%, 2018 թվականին՝ 19%, 2019 թվականին՝ 18,3%, 2020 թվականին՝ 21,2%, 2021 թվականին՝ 20, 0%։

• Վրաստանում՝ 2017թ.-ին՝ 21,6%; 2018 թ.-ին ՝19.2%; 2019 թ.-ին ՝ 17.6%; 2020 թ.-ին ՝18.5%; 2020 թ.-ին ՝18.5%:
• Թուրքիայում՝ 2017 թ.-ին՝ 10.8%, 2018 թ.-ին՝ 10.9%, 2019 թ.-ին՝ 13.7%, 2020 թ.-ին՝ 13.1%, 2021 թ.-ին՝ 13.4%:
• Ադրբեջանում՝ 2017թ.՝ 5%, 2018թ.՝ 4.9%, 2019թ.՝ 4.8%, 2020թ.՝ 6.5%, 2021թ.՝ 6.6%:
• Ռուսաստանում՝ 2017թ.՝ 5.2%, 2019թ.՝ 4.5%, 2020թ.՝ 5.6%, 2021թ.՝ 5%:

Այսպիսով, 2021 թվականին տարածաշրջանում գործազրկության ամենաբարձր մակարդակը գրանցվել է Հայաստանում, որին հաջորդում է Վրաստանը։ Անցյալ տարի տարածաշրջանում գործազրկության ամենացածր մակարդակը գրանցվել էր Ռուսաստանում։