Վրաստանի ՆԳՆ-ն հաստատել է երեխայի բռնաբարության գործով Շիդա Քարթլիի բնակչի ձերբակալման փաստը։ TV 25 հեռուստաալիքը հայտնել է, որ խոսքը 12-ամյա տղայի բռնաբարության մասին է։
Հաղորդվում է, որ 55-ամյա հովիվը նրան գայթակղելով տարել է գյուղի ծայրամասում գտնվող լքված տուն: Երեխան գտնվում է հոգեբանական ծանր վիճակում՝ բժիշկների հսկողության ներքո։
Տղայի մայրը դեպքի մասին հայտնել է ոստիկանություն։ Հեռուստաալիքի տվյալներով՝ ձերբակալվածը խոստովանել է իր կողմից կատարված զանցանքը։
Լրատվամիջոցների այլ տեղեկությունների համաձայն՝ տղամարդը մի քանի ամիս սեռական բռնության է ենթարկել դեռահասին՝ սպառնալով սպանել նրան, եթե վերջինս որևէ մեկին պատմի կատարվածի մասին։
Ներքին գործերի նախարարությունից հայտնում են, որ քրեական գործը ներկայումս քննվում է «Բռնաբարության փորձ անչափահասի նկատմամբ» հոդվածով։
Գործի մասնակիցների անուններն ու գյուղի անունը չի բարձրաձայնվում։
