Ազգային բանկի տվյալներով՝ 2022 թվականի ապրիլին հանրապետությունում դրամական փոխանցումների ծավալը կազմել է 308,1 մլն ԱՄՆ դոլար կամ 944,8 մլն լարի, ինչը 58,8 տոկոսով կամ 114,1 մլն ԱՄՆ դոլարով ավելի է 2021 թվականի ապրիլի նույն ժամանակահատվածի համեմատ։ Իսկ նախորդ ամսվա համեմատ տրանսֆերտների ընդհանուր թիվն աճել է ավելի քան 12 անգամ։
Վրաստանի Ազգային բանկի տվյալներով՝ Վրաստան դրամական փոխանցումների 96,2 տոկոսը կատարվում է 20 խոշորագույն գործընկեր երկրներից, որոնցից յուրաքանչյուրը ապրիլին գերազանցել է 1 միլիոն դոլարի սահմանը:
Նույն 20 երկրներին բաժին է ընկել անցած տարվա ապրիլի բոլոր տրանսֆերտների 91,5%-ը։ Ըստ տրանսֆերտների վիճակագրության՝ ամենամեծ գումարը փոխանցվել է Ռուսաստանի Դաշնությունից՝ 132,98 մլն ԱՄՆ դոլար։
Երկրորդ տեղում Իտալիան է՝ 33,40 մլն ԱՄՆ դոլար։ Նշենք, որ նախորդ ամիս 37 մլն դոլարով առաջին տեղում էր Իտալիան, իսկ Ռուսաստանից փոխանցվել էր 27 մլն դոլար։
Երրորդ տեղում 2022 թվականի ապրիլին ԱՄՆ-ն է՝ 25,02 մլն ԱՄՆ դոլար, չորրորդում՝ Ղազախստանը՝ 20,04 մլն ԱՄՆ դոլար, հինգերորդում՝ Հունաստանը՝ 18,65 մլն ԱՄՆ դոլար։
Միաժամանակ, Ազգային բանկի տվյալներով, 2022 թվականի ապրիլին Վրաստանից արտերկիր է ուղարկվել 25,4 մլն ԱՄՆ դոլար կամ 77,8 մլն լարի, ինչը 1,5 տոկոսով պակաս է 2021 թվականի ապրիլի ցուցանիշից։
