Հայտնի են I-XII դասարանների ծրագրային էքստեռն քննություններին գրանցման և անցկացման ամսաթիվը: Այս մասին հայտնում է Վրաստանի կրթության և գիտության նախարարությունը։
Դիմորդները կարող են գրանցվել 2022 թվականի փետրվարի 21-ից մինչև մարտի 2-ը, իսկ քննությունները կանցկացվեն 2022 թվականի մարտի 15-ից մինչև մարտի 25-ը։ Քննությանը մասնակցելու իրավունք ունեն այն աշակերտները, որոնց տարիքը համապատասխանում է, կամ գերազանցում է էքստեռնի կարգով սահմանված տարիքային խմբին, բացի այդ նա անցել է տվյալ կրթական ծրագիրը։
Չափահաս շահագրգիռ անձը կամ անչափահասի օրինական ներկայացուցիչը, որը շահագրգռված է էքստեռն ձևաչափով կրթություն ստանալու, արտաքին գրանցման համար դիմում է ներկայացնում Կրթական ռեսուրս կենտրոն՝ պահպանելով հետևյալ կանոնները.
Ա) Եթե անձը, ով ցանկանում է էքստեռն կարգով ընդհանուր կրթություն ստանալ, սովորում է դպրոցում, ապա հայտը կընդունվի այն Կրթական ռեսուրս կենտրոնում, որի գործունեության տարածքում է գտնվում համապատասխան դպրոցը:
Բ) Եթե անձը դպրոց չի հաճախում, ապա դիմումը կընդունվի ցանկացած Կրթական ռեսուրս կենտրոնում՝ անձի ցանկությամբ:
Քննություններին գրանցվելու համար Կրթական ռեսուրս կենտրոն ներկայացնելու համար անհրաժեշտ փաստաթղթերի ցանկ.
Ա) Չափահաս շահագրգիռ անձի կամ անչափահասի օրինական ներկայացուցչի դիմում, որը հետաքրքրված է էքստեռն կարգով կրթություն ստանալու, պետք է նշել հետևյալ տեղեկությունները՝
● անուն, անուն, ազգանուն և կոնտակտային տվյալներ (հասցե, հեռախոսահամար, էլ. փոստի հասցե)
● Հանրակրթական դաս/պարապմունքներ/կիսամյակ, ինչպես նաև առանձին դասի/կիսամյակի մեջ ընդգրկված առարկա/առարկաներ, որոնք անձը ցանկանում է հաղթահարել էքստեռն ձևաչափով:
● Լեզուն, որով էքստեռն ձևաչափով կրթություն ստանալ ցանկացողը ուզում է էքստեռն քննություն հանձնել (վրացերեն, ռուսերեն, ադրբեջաներեն, հայերեն):
● Ազգային ուսումնական պլանով նախատեսված ընտրովի առարկա, որը ցանկալի է հանրակրթությունը էքստեռն ձևով անցնելու համար:
Բ) Էքստեռն կարգով կրթություն ստանալ ցանկացողի ծննդյան վկայականի կամ անձը հաստատող փաստաթղթի պատճենը:
Գ) Էքստեռն կարգով առանձին դասի/դասերի/կիսամյակի քննությանը գրանցվելու դեպքում՝ էքստեռնի դասին/կիսամյակին նախորդող այդ դասի/կիսամյակի հանրակրթական ծրագիրը յուրացնելու մասին փաստաթուղթ:
Դ) Անձի արտերկրում կրթություն ստանալու դեպքում համապատասխան կրթական ծրագրի ավարտը հավաստող փաստաթուղթ, որը պետք է ճանաչվի օրենքով սահմանված կարգով:
Ե) Դպրոցի կողմից տրված տեղեկանք, որը հաստատում է, որ անձը պետք է ավարտի հանրակրթական առարկայի/առարկաների հանրակրթական ծրագիրը՝ ընդգրկված որոշակի դասարանում/կիսամյակում էքստեռն կարգով:
Հարցերի դեպքում կարող եք դիմել Վրաստանի կրթության և գիտության նախարարության թեժ գծին՝ (995 32) 2 200 220։
