Կրիպտոարժույթների շուկաներում բիթքոյնը գրեթե 3,4% կորցրել և վաճառվել է միջինը 35 000 դոլարով։ Շաբաթ օրը դրա արժեքն իջնելով մինչև 34 000 դոլար, 2021 թվականի հուլիսից ի վեր գրանցեց գնի ամենացածր մակարդակը։ Այս մասին տեղեկությունը տարածում է Reuters-ը։
Աշխարհի ամենամեծ կրիպտոարժույթի բիթքոյնի արժեքը նոյեմբերին գրանցած իր ռեկորդային ցուցանիշից՝ որը կազմում էր 69,000 դոլար, գրեթե կիսով չափ կրճատվել է։
Թրեյդերներն ասում են, որ ինստիտուցիոնալ ներդրողները մեծացնում են իրենց աջակցությունը կրիպտոարժույթներին, որոնք սերտորեն կապված են ռիսկային ակտիվների հետ, ինչպիսիք են բաժնետոմսերը: Անցյալ շաբաթ Nasdaq Composite-ի ինդեքսը ցույց տվեց 2020 թվականի մարտից ի վեր ամենավատ առևտրային շաբաթը: Վաճառքները վնասել են թվային ակտիվների մեծ մասը: Օրինակ, աշխարհում երկրորդ ամենամեծ կրիպտոարժույթի՝ Ethereum-ի արժեքը շաբաթ օրը ընկել է մինչև 2440 դոլար, ինչը հուլիսից ի վեր ամենացածր գինն է:
Ներդրողները նշել են, որ ռիսկային ակտիվների վաճառքը հետևել է այն ակնկալիքներին, կենտրոնական բանկը մեկ ամիս առաջ շուկայում սպասվածից ավել կբարձրացնի տոկոսադրույքները: Ներկայումս դժգոհ շուկաները չեն ակնկալում թեկուզ փոքր հնարավորություն, որ դաշնային պահուստային բանկը այս շաբաթ կբարձրացնի տոկոսադրույքները։ Սակայն հույս ունեն, որ առաջին քայլը կարվի մարտին, և ցուցանիշը կաճի մինչև 0,25%, իսկ մինչև տարեվերջ ևս երեք անգամ՝ մինչև 1,0%։
«Կրիպտո թրեյդերները նվազեցնում են բաժնետոմսերի պորտֆելների ռիսկերը, այդ իսկ պատճառով Bitcoin-ը արժեզրկվում է և առանց մեծ ջանքերի կարող է իջնել մինչև $30,000», – ասում է OANDA-ի շուկայի ավագ վերլուծաբան Էդվարդ Մոիան:
Աղբյուրը՝ www.bpn.ge
