«Միջազգային թափանցիկություն-Վրաստան» զեկույցի համաձայն՝ Ախալքալաքի և Նինոծմինդայի մեծամասնական պատգամավոր Սամվել Մանուկյանը տարբեր ընկերություններում բաժնետոմսեր ունի, բայց դրանց կառավարումը ուրիշին չի փոխանցել, ինչը օրենքի խախտում է։ Ըստ TI-ի՝ պատգամավորների չհայտարարագրված բաժնետոմսերն ու ենթադրյալ ձեռնարկատիրական գործունեությունը երկար տարիների խնդիր է։
Ըստ ուսումնասիրության՝ «Վրացական երազանք» խմբակցության պատգամավոր Սամվել Մանուկյանի տվյալներով՝ գույքի հայտարարագրման և գրանցման, նրա համամասնակցությունը ֆիքսված է երեք ընկերությունների՝ «Գրանդ ՍՊԸ», «Կրիստալ» ՍՊԸ և «Գեոֆուդ» ՍՊԸ-ի հետ։ Երեք ընկերություններում էլ գրանցված է որպես գործընկեր և ունի 50%-ական բաժնետոմս, որը կառավարման համար որևէ մեկին չի փոխանցվել։ Սամվել Մանուկյանի հետ Գագիկ Արևյանին է պատկանում «Գրանդ» ՍՊԸ-ի բաժնետոմսերի 50%ըն, Արմեն Պասպանդյանին՝ «Կրիստալ» ՍՊԸ-ում և Սամվել Գոգորյանին՝ «Գեոֆուդ» ՍՊԸ-ում: Ըստ հանրային ռեգիստրի՝ երեք անձինք էլ ընկերություններում ունեն տնօրենի կարգավիճակ։
Ըստ հայտարարագրված եկամուտների՝ «Վրացական երազանքի» պատգամավորն այս ընկերություններից ոչ մի լարի չի ստացել։
Միջազգային թափանցիկություն-Վրաստանը հավաքել է պաշտոնական աղբյուրներից տեղեկություններ (սեփականության պաշտոնական հայտարարագիր և Հանրային ռեգիստրի ազգային գործակալության կայք)՝ խորհրդարանի անդամների կողմից չհայտարարագրված բաժնետոմսերի, շահերի անհամատեղելիության և ենթադրյալ ձեռնարկատիրական գործունեության վերաբերյալ:
«Մենք հնարավորություն չունենք պարզելու, թե արդյո՞ք չհայտարարագրված ընկերությունները իրականում զբաղվում են ձեռնարկատիրական գործունեությամբ, և այս հարցով պետք է շահագրգռված լինի Քաղաքացիական ծառայության բյուրոն: Շահերի անհամատեղելիության հարցը պետք է ուսումնասիրի ԱԺ ընթացակարգային հարցերի և կանոնակարգերի հանձնաժողովը»,- ասված է զեկույցում։
Ըստ «Միջազգային թափանցիկություն-Վրաստանի»՝ պատգամավորը իրավունք չունի՝
1. Անմիջապես իրականացնել բազմաթիվ գործողություններ շահույթ ստանալու համար նյութական ակտիվները և ֆինանսական ակտիվները կառավարելով:
2. Անմիջապես իրականացնել ձեռնարկատիրական գործունեության մշտական ղեկավարի, վերահսկիչ, վերահսկող, աուդիտի և (կամ) խորհրդատվական մարմնի անդամի լիազորությունները:
Ըստ TI-ի՝ եթե պատգամավորը զբաղվում է ձեռնարկատիրական գործունեությամբ, ապա ԱԺ ընթացակարգային հարցերի և կանոնակարգի հանձնաժողովը այս փաստի բացահայտումից հետո 10-օրյա ժամկետում պետք է պահանջի համապատասխան գրավոր նյութ, դրանից պարզաբանում ստանա և պատրաստի համապատասխան եզրակացություն։
Պատգամավորի ձեռնարկատիրական գործունեությունը հաստատվելու դեպքում եզրակացությունը փոխանցվում է խորհրդարանի բյուրոյին, որը հաջորդ լիագումար նիստի օրակարգ է դնում պատգամավորի լիազորությունների վաղաժամկետ դադարեցման հարցը։ Պատգամավորը պարտավոր է «Հանրային ծառայությունում շահերի բախման և կոռուպցիայի մասին» օրենքի համաձայն լրացնել գույքային դրությունը և քաղաքացիական ծառայության բյուրոյին ներկայացնել գույքի հայտարարագիր։
Աղբյուրը՝ Sknews.ge
