Վրաստանի վարչապետ Իրակլի Ղարիբաշվիլին հանդիպել է պաշտոնական այցով Վրաստանում գտնվող Հայաստանի Հանրապետության ոստիկանապետ, գեներալ-մայոր Վահե Ղազարյանի հետ։
Հանդիպման ժամանակ քննարկվել են երկու երկրների համագործակցության, ինչպես նաև իրավապահ մարմինների արդյունավետ փոխհամագործակցության հարցեր:
Անդրադարձ է կատարվել նաև Վրաստանի վարչապետի հաջող միջնորդության մասին, որի արդյունքում Հայաստանի 15 քաղաքացիներ ազատ են արձակվել գերությունից, իսկ ականապատ տարածքների կարևոր քարտեզները փոխանցվել են Ադրբեջանին։
Կառավարության ղեկավարը պատրաստակամություն է հայտնել հետագա ակտիվ համագործակցության համար և նշել, որ Վրաստանը աջակցում է երկխոսությանը, որը կնպաստի տարածաշրջանում կայուն խաղաղության և կայունության ապահովմանը։
Վրաստանի կառավարության աշխատակազմում տեղի ունեցած հանդիպմանը ներկա է եղել նաև Վրաստանի ներքին գործերի նախարար Վախտանգ Գոմելաուրին։
