Ախալքալաքի մունիցիպալիտետի դպրոցներում, 2021-2022 ուսումնական տարում, կա 640 առաջին դասարանցի, որից 205-ը` Ախալքալաքի դպրոցներում, իսկ մնացած 435-ը` գյուղերում: Բոլոր առաջին դասարանցիները կստանան «ACER» ապրանքանիշի նոր նոութբուքեր:
Առաջին դասարանցիներն ուսումը կսկսեն հոկտեմբերի 4 -ից: Ախալքալաքի մունիցիպալիտետում գրանցված է 640 առաջին դասարանցի: Ախալքալաքի բոլոր դպրոցներում կան առաջին դասարաններ, սակայն կան գյուղեր, որտեղ այս ուսումնական տարում առաջին դասարաններ չեն բացվի: Թախչա, Լոմատուրցխ և Քարսեպ գյուղերի դպրոցներն ուսումնական տարին կսկեն առանց առաջին դասարանցիների:
Բոլոր առաջին դասարանցիները կստանան նոութբուքեր:
«Մենք արդեն համակարգիչները փոխանցել ենք բոլոր տնօրեններին, նրանք կամ արդեն դրանք բաժանել են երեխաներին, կամ կբաժանեն հոկտեմբերի 4 -ին», – ասաց Ախալքալաքի կրթական ռեսուրս կենտրոնի տնօրենի պաշտոնակատար Մանուչար Միքելաձեն:
Ախալքալաքի դպրոցների առաջին դասարանցիների վիճակագրությունը.
Թիվ 1 հանրային դպրոց (Թումանյանի անվան)` 39 առաջին դասարանցի,
Թիվ 2 հանրային դպրոց (ռուսական)՝ 85,
Թիվ 3 հանրային դպրոց (վրացական )՝ 18,
Թիվ 4 հանրային (Դեմիրճյանի անվան ) դպրոց՝ 51,
Թիվ 5 (նախկին գիշերօթիկ դպրոց)դպրոց՝ 12 առաջին դասարանցի։
Նախորդ տարվա համեմատ առաջին դասարանցիների թիվն ավելացել է: Անցյալ տարի գրանցվել էր 559 առաջին դասարանցի, 2019 թվականին՝ 604 առաջին դասարանցի, իսկ 2018-2019 ուս.տարում առաջին անգամ դպրոց է գնացել 694 երեխա:
