Վրաստանի վարչապետ Իրակլի Ղարիբաշվիլիի խոսքով, պետական ծառայողների աշխատավարձերը կբարձրանա 2022 թվականի հունվարից: Միաժամանակ, ըստ նրա, նախատեսվում է կրկնապատկել քաղաքապետերի աշխատավարձերը:
Այս մասին կառավարության այսօրվա նիստին հայտարարել է Վրաստանի վարչապետ Իրակլի Ղարիբաշվիլին:
«Մենք մոտենում ենք ընտրություններին: Քաղաքապետերի աշխատավարձը կազմում է մոտ 1800-2000 լարի: Բացարձակապես դուրս է և անհամապատասխան այսօրվա իրականությանը: Պետական ծառայողների աշխատավարձերը տարիների ընթացքում չեն ավելացել, բացառությամբ նախարարության մակարդակով տեղական որոշ որոշումների: Կառավարությանը միասնական տեսլական չի ներկայացվել: Մեր նոր քաղաքականության շրջանակներում 2022 թվականի հունվարից, մենք աստիճանաբար կսկսենք բարձրացնել պետական ծառայողների աշխատավարձերը: Սա անհրաժեշտ է, քանի որ պետական ծառայությունում աշխատող մարդիկ այլևս չեն տեսնում մոտիվացիա, մենք չենք կարող մրցակցել մասնավոր հատվածի հետ, ուստի անհրաժեշտ է անդրադառնալ այս խնդրին, ինչը մենք անպայման կանենք 2022 թվականի հունվարից, ինչպես նաև կբարձրացնենք քաղաքապետերի աշխատավարձերը: Մենք որոշել ենք այն գործնականում կրկնապատկել: Քաղաքապետի համար աներեւակայելի է աշխատել 2000 լարիով և ծառայել Քութաիսիին ու Բաթումին, դա աներեւակայելի էր, և այս հարցը ժամանակին լուծման կարիք ունի», – ասել է Իրակլի Ղարիբաշվիլին:
