«Քոսկո շիփինգ լայն» տրանսպորտային ընկերության տեղեկատվության համաձայն, վերջին 4 ամիսների ընթացքում բեռնարկղային փոխադրումների սակագները բարձրացել են 4 անգամ:
Ընկերության տնօրեն Գիվի Չաչանիձեի խոսքով՝ Չինաստանից Վրաստան բեռնարկղ տեղափոխելու ծախսերը թանկացել են՝ հասնելով 12 000 ԱՄՆ դոլարի:
«Խնդիրը ոչ միայն սակագների արժեքի մեջ է, այլ նաև այն փաստի, որ Ասիա-Եվրոպա առևտրային ճանապարհին շատ մեծ խնդիրներ կան՝ նավերի համար տեղ չկա: Այս իրավիճակում մենք ստիպված ենք բարձրացնել տրանսպորտային գները: Կային ակնկալիքներ, որ չինական Նոր տարուց հետո գները կկայունանան, բայց դա այդպես էլ տեղի չունեցավ: Հետո տեղի ունեցավ Սուեզի ջրանցքի միջադեպը, և սա միայն բարձրացրեց գները», – հայտարարել է նա:
Ըստ նրա, ավանդաբար, մեկ բեռնարկղ տեղափոխելու գինն արժեր 2 500-2 300 դոլար, մինչդեռ այժմ այն կազմում է 12 000 դոլար:
«Բեռնատար նավերում մինչև հուլիսի վերջ տեղեր չկան, և հայտնի չէ, թե երբ իրավիճակը կկարգավորվի: Ավելի հստակ տեղեկություն կարելի է ասել ոչ շուտ, քան սեպտեմբերին», – ասել է նա:
Վրաստանի տարածքով բեռնարկղերի փոխադրումը վերջին շրջանում կրճատվում է: 2021 թվականի 4 ամիսների ընթացքում Վրաստանի բոլոր 4 նավահանգիստները մշակել են 5,5 միլիոն տոննա բեռ, ինչը 400 000 տոննայով պակաս է, քան 2020-ի նույն ժամանակահատվածում:
Փոխադրողների կարծիքով՝ փոխադրումների նվազման և սակագների բարձրացման միտումը կշարունակվի մինչև տարեվերջ: