Հեռուստատեսային իր տեսաուղերձում Ֆիլիպինների նախագահ Ռոդրիգո Դուտերտեն երկրի բնակիչներին սպառնացել է ազատազրկմամբ` կորոնավիրուսի դեմ պատվաստումից հրաժարվելու պարագայում։ Այս մադին հայտնում է nv.ua-ն` հղում կատարելով CNN-ին:
«Դուք եք ընտրում՝ կամ կպատվաստվեք, կամ ես ձեզ բանտ կուղարկեմ», – ասել է Դուտերտեն:
Իրենց հերթին, առողջապահության ոլորտի բարձրաստիճան պաշտոնյաներն ասում են, որ պատվաստումը կամավոր է համարվում, չնայած այն շատ խիստ խորհուրդ տրվող գործընթաց է:
«Ինձ սխալ մի հասկացեք, այս երկրում ճգնաժամ է: Ուղղակի ինձ զայրացնում է, որ ֆիլիպինցիները չեն լսում կառավարությանը», – հավելել է երկրի նախագահը:
Ֆիլիպինների իշխանությունները մինչև տարեվերջ ակնկալում են պատվաստել 70 միլիոն մարդու, բայց երկրում դեռևս 2,1 միլիոն մարդ ընդունել պատվաստման ամբողջական կուրսը:
