Վրաստանի վարչապետ Իրակլի Ղարիբաշվիլին շնորհավորել է Նիկոլ Փաշինյանին ընտրություններում տարած հաղթանակի կապակցությամբ:
Այս մասին Իրակլի Ղարիբաշվիլին գրում է «Թվիթեր» սոցիալական ցանցում:
«Սրտանց շնորհավորում եմ Հայաստանի վարչապետ Նիկոլ Փաշինյանին հաջող ընտրությունների և «Քաղաքացիական պայմանագիր» կուսակցության՝ նախնական արդյունքների համաձայն տարած հաղթանակի կապակցությամբ: Հաջողություն ապագայում նույնպես: Ես անհամբեր սպասում եմ սերտորեն համագործակցել Հայաստանի նոր կառավարության հետ», – գրել է Իրակլի Ղարիբաշվիլին:
Հայաստանի Հանրապետությունում արտահերթ խորհրդարանական ընտրությունների ներկայիս արդյունքների համաձայն, օրենսդիր մարմնում ներկայացված են լինելու երեք քաղաքական ուժեր` «Քաղաքացիական պայմանագիր» կուսակցությունը, «Հայաստան» դաշինքը և «Պատիվ ունեմ» դաշինքը:
Ստացված մանդատները բաշխվել են հետևյալ կերպ. «Քաղաքացիական պայմանագիր»՝ 71 տեղ, «Հայաստան» դաշինք՝ 29 տեղ, «Պատիվ ունեմ» դաշինք՝ յոթ տեղ: