Հայաստանում խորհրդարանական արտահերթ ընտրությունների քվեարկությունն ավարտվել է՝ 20։00-ին փակվել են բոլոր ընտրատեղամասերը։
Հունիսի 20-ի՝ ժամը 17։00-ի դրությամբ ՀՀ-ում քվեարկել է 989,972 ընտրող՝ 38․17 տոկոսը։ 2018 թվականին ժամը 17:00-ի դրությամբ ԱԺ արտահերթ ընտրությունների քվեարկությանը մասնակցել էր ընտրելու իրավունք ունեցող քաղաքացիների 39.54%-ը կամ 1,025 մլն ընտրող:
Ազգային ժողովի ընտրապայքարին մասնակցել է քաղաքական 25 ուժ, որից 4-ը դաշինք է, 21-ը՝ կուսակցություն:
Ավելի վաղ ՀՀ ոստիկանությունը հրապարակել էր Ազգային ժողովի ընտրություններին ընտրողների ընդհանուր թիվն, ըստ որի ընտրելու իրավունք ունի 2,581,093 քաղաքացի։
