Ադիգենի մունիցիպալիտետի Փխերո գյուղի հարակից անտառում (Սամցխե-Ջավախքի շրջան) մարում են հրդեհ: Այս մասին հայտնում է «Ռուսթավի 2» հեռուստաալիքը:
Հրդեհվում է սոճու անտառի ստորին հատվածը` խոտն ու թփուտները: Հրդեհը տարածվում է լեռան լանջի երկայնքով` Օքրոս-Ցիխե ամրոցի մոտակայքում` Վրաստանի ամենամեծ միջնադարյան ամրաշինական կառույցներից մեկը:
Տեղի բնակիչները նկատել են ծուխը այսօր կեսօրին, որից հետո այս փաստի մասին հայտնել են «112» -ին: «Ֆորմուլա» հեռուստաընկերության տեղեկատվության համաձայն, տեղում աշխատում է հրշեջ-փրկարարական վեց բրիգադ: Տեղի բնակիչները նույնպես մասնակցում են մարման գործընթացին:
Նախնական տվյալներով՝ հրդեհի մակերեսը 2 հա է:
«Սամխրեթիս կարիբճե» տեղական գործակալությունը՝ վկայակոչելով Արտակարգ իրավիճակների կառավարման ծառայությունը, հայտնում է, որ այս պահի դրությամբ հրդեհը հաջողվել է մեկուսացնել: Աշխատանքները շարունակվում են մինչև հրդեհի ամբողջական չեզոքացումը:
«Հրդեհը տեղայնացված է: Այս պահին տեղում աշխատում է վեց խումբ: Ոչ ոք չի տուժել», – ասացին ԱԻ ծառայությունից: