---

Վրաստանում փոխվել են առաջին և երկրորդ փուլերում առաջին դասարանցիների գրանցման ժամկետները: Այս մասին հայտնում է Վրաստանի ԿԳՆ մամուլի ծառայությունը:

Ամեն տարի Վրաստանի հանրային դպրոցներն ընդունում են շուրջ 60 հազար առաջին դասարանցիների:

Առաջին դասարանցիների գրանցման երկրորդ փուլը պետք է սկսվեր ապրիլի 27-ին և տևեր մինչև մայիսի 11-ը ներառյալ: Թեև, Վրաստանի կառավարության կողմից մայիսի 4-11-ը ոչ աշխատանքային օր հայտարարելու պատճառով, վարչությունը որոշել է փոփոխություններ կատարել գրանցման գործընթացում:

Արդյունքում, առաջին դասարանցիների գրանցման երկրորդ փուլը սկսվել է ապրիլի 20-ին և կտևի մինչև ապրիլի 29-ը:

Երկրորդ փուլում այն երեխաները, որոնց եղբայրները կամ քույրերն արդեն իսկ սովորում են տվյալ դպրոցում, կամ այն երեխաները, որոնց ծնողները այդ դպրոցում աշխատում են որպես ուսուցիչ, կարող են գրանցվել կոնկրետ տվյալ դպրոցներում: Բացի այդ, երկրորդ փուլում հնարավոր է գրանցել նույն ընտանիքի երկու կամ ավելի երեխաներին, որոնք միաժամանակ են հաճախելու առաջին դասարան:

Ծնողները պետք է դպրոց ներկայացնեն գրանցման համար անհրաժեշտ բոլոր փաստաթղթերը:

Կրթության նախարարությունը ծնողներին հորդորում է ուշադիր ծանոթանալ գրանցման պայմաններին, ժամանակին կապ հաստատել դպրոցի տնօրինության հետ և տրամադրել անհրաժեշտ փաստաթղթերը:

Նախարարությունը նաև որոշում է կայացրել առաջին փուլում առաջին դասարանցիների գրանցման փաստաթղթերի ներկայացման վերջնաժամկետը երկարացնել մինչև հունիսի 5-ը:

Գրանցման առաջին փուլը Վրաստանում սկսվել էր մարտի 15-ին և տևել մինչև մարտի 26-ը ներառյալ: Վրաստանում առաջին փուլում կարող են գրանցվել միայն հատուկ կրթական կարիքներ ունեցող երեխաները:

Այս երեխաների ծնողները պետք է դիմեն նախընտրելի հանրակրթական դպրոց: Դպրոցի ղեկավարությունը երեխային կգրանցի Կրթության կառավարման տեղեկատվական համակարգում (EMIS): Հատուկ կրթական անհրաժեշտությունը հաստատելու համար ծնողը դպրոցում լրացնում է համապատասխան դիմումի ձևը, որից հետո երեխան գնահատվում է բազմամասնագիտական թիմի կողմից և որոշվում է նրա կրթական կարիքը: Հատուկ կրթական անհրաժեշտության հաստատման դեպքում դպրոցն ապահովում է աշակերտի ընդունումը՝ համապատասխան փաստաթղթերի հիման վրա: Գրանցված երեխաների համար փաստաթղթերի ներկայացման ժամկետը 2021 թվականի մարտի 29-ից ապրիլի 24-ն էր, թեև այժմ այս ժամկետները երկարաձգվել են:

Դպրոցից այս դիմումները կուղարկվեն կրթության նախարարություն:

Այն երեխաների ծնողները, որոնց չեն հաստատի հատուկ կրթական կարգավիճակը, իրենց երեխաներին կկարողանան գրանցել հաջորդ փուլերում:

Կրթական կարիքներ ունեցող երեխա կարող է համարվել այն երեխան, որն ունի՝

ֆիզիկական արատներ, մտավոր զարգացման խանգարում, ուսման հետ կապված խանգարումներ, զարգացման զգայական խանգարումներ (լսողություն և (կամ) տեսողություն), խոսքի զարգացման խանգարում, վարքային և հուզական խանգարումներ, երեխան, որն ունի աուտիզմի սպեկտր, որը երկարատև հոսպիտալացման անհրաժեշտություն է պահանջում, ինչպես նաև սոցիալական գործոններով պայմանավորված ուսման դժվարություններ, որոնց պատճառով նա ի վիճակի չէ բավարարել ազգային ուսումնական ծրագրի պահանջները:

Երրորդ փուլը՝ համընդհանուր գրանցումն է: Այն կսկսվի մայիսի 13-ին և կշարունակվի մինչև հունիսի 5-ը:

Գրանցումն իրականացվելու է կրթության կառավարման տեղեկատվական համակարգի www.emis.ge պաշտոնական կայքում: Գրանցումն իրականացվում է ծնողի/օրինական խնամակալի կողմից: Էլեկտրոնային եղանակով գրանցված աշակերտի ընդունվելու համար անհրաժեշտ փաստաթղթերը կներկայացնել հունիսի 8-ից մինչև հունիսի 22-ը: Սահմանված ժամկետներում փաստաթղթերը չներկայացնելու դեպքում գրանցումն ավտոմատ կերպով կչեղարկվի:

Չորրորդ փուլը դպրոցներում կիրականացվի հունիսի 24-ից հուլիսի 10-ը: Այս փուլում թափուր կամ մնացած ազատ տեղերում կգրանցվեն այն աշակերտները, ովքեր չեն կարողացել գրանցվել առաջին, երկրորդ և երրորդ փուլերում, կամ ցանկանում են փոխել գրանցման վայրը:

Չորրորդ փուլում աշակերտի գրանցումն ապահովում է հանրային դպրոցը՝ ծնողի/օրինական խնամակալի կողմից ներկայացված անհրաժեշտ փաստաթղթերի հիման վրա:

Առաջին դասարան ընդունվելու համար անհրաժեշտ փաստաթղթեր.

• սովորողի օրինական ներկայացուցչի դիմումը, որը պետք է ներառի տեղեկություններ օրինական ներկայացուցչի բնակության վայրի և հեռախոսահամարի մասին

• սովորողի ծննդյան վկայականի կամ անձը հաստատող փաստաթղթի պատճենը և Վրաստանում կացության թույլտվության պատճենը (առկայության դեպքում):