Վրաստանի Հաշտեցման և քաղաքացիական հավասարության պետական նախարարի գրասենյակը համագործակցելով Վրաստանի Կրթության և գիտության նախարարության հետ, հայտարարում է վրաց լեզվի օրվան նվիրված պաստառների մրցույթ` «Վրաց լեզուն լավ ապագայի համար» թեմայով: Մրցույթին կարող են մասնակցել Ջավախքի հայկական և ռուսական դպրոցները:
Մրցույթի պայմանները.
– Մրցույթին կարող են մասնակցել Վրաստանի ոչ վրացական բոլոր պետական, հանրային դպրոցները1
– Մրցույթին մասնակցող յուրաքանչյուր դպրոց իրավունք ունի ներկայացնել միայն մեկ պաստառ (պլակատ):
– Աշխատանքների ներկայացման վերջնաժամկետը սույն թվականի ապրիլի 10-ն է:
Պաստառը պետք է ունենա կարգախոս (նշանաբան) և էլեկտրոնային կամ նկարված գրաֆիկական տարրերով նկար: Պաստառի բովանդակությունը պետք է արտացոլի հեղինակի/հեղինակների հիմնական ուղերձը մրցույթի թեմայի վերաբերյալ:
Մրցույթին մասնակցել ցանկացող դպրոցները պետք է պատրաստած պաստառը ուղարկեն Վրաստանի Հաշտեցման և քաղաքացիական հավասարության հարցերով պետական նախարարի աշխատակազմի էլեկտրոնային փոստի հասցեին՝ info@smr.gov.ge: Կոնտակտային անձ՝ Սոփո Լետոդիանի, բջջ. 598 60 50 20։
Եթե դպրոցը գրանցված է սոցիալական ցանցում կամ ունի պաշտոնական էջ, ցանկալի է աշխատանքը ներբեռնել հետևյալ նշումներով.
#სახელმწიფომინისტრისაპარატი
#ქართულიენაუკეთესიმომავლისთვის
Հատուկ ստեղծված մրցութային հանձնաժողովը ներկայացված աշխատանքներից կընտրի 4 լավագույն պաստառները:
