Երեկ Ախալքալաքի մունիցիպալիտետի քաղաքապետարանի Պետական գնումների ծառայությունը պատգամավորներին ներկայացել 2020 թվականի հաշվետվություն։ Պատգամավորներին անհանգստացնում էր բազում հարցեր:
Երեկ՝ փետրվարի 16-ին, Ախալքալաքի մունիցիպալիտետի քաղաքապետարանի Պետական գնումների ծառայության պետ Ռոզա Յորդանյանը հաշվետվություն է ներկայացրել 2020 թվականին կատարված աշխատանքների մասին: Տարվա ընթացքում մունիցիպալիտետում հայտարարվել է 182 տենդեր, որից 30-ը չեն կայացել: Տենդերներից խնայողությունները 2020 թվականին կազմել են 152 862 լարի:
Պատգամավոր Գայոզ Լոմսաձեին հետաքրքրում էր, թե ինչու են նրանք թույլ տալիս այն ընկերությունների հաղթանակը, որոնք արդեն իրականացրել են նախագծեր և դրանք հավուր պատշաճի չեն իրականացրել: Այս հարցին Ռոզա Յորդանյանը պատասխանեց, որ որպեսզի ընկերությանը չթույլատրվի, այն պետք է լինի սև ցուցակում: Ընկերություններն այնտեղ մտնում են ընդունող հանձնաժողովի գնահատականների համաձայն, բայց տվյալ հանձնաժողովի կողմից նման որոշում որևէ ընկերության նկատմամբ չկա:
Պատգամավորները նշեցին, որ անցյալ տարի շատ տենդերներ չեն կայացել, քանի որ դրանցում մասնակիցներ չեն եղել: Պատգամավոր Համլետ Մովսիսյանը նշեց տենդերներին մասնակցել չցանկանալու պատճառը:
«Ցանկացողները քիչ են, քանի որ նախագծերում, նախահաշվարկներում, ամեն ինչ չէ, որ հարթ է և դրանք կազմվում են ոչ լիարժեք, Թբիլիսիից նախագծողը նախագիծը կազմում է առանց տեսնելու կամ ուսումնասիրելու տարածքը, նրանք տեղում չլինելով, օգտագործելով GPS, դրա հիման վրա կազմում են նախագիծը, լուսանկարը և, համապատասխանաբար, նախահաշվարկը », – ասաց Համլետ Մովսիսյանը:
Շատ պատգամավորներ համաձայնեցին, որ առկա է նախագծերի հետ կապված խնդիր, նաև նշեցին Ենթակառուցվածքային ծառայության կողմից վերահսկողության կարևորությունը, ինչը թույլ է, քանի որ նախագծերն առանց ստուգելու մրցույթի են հանվում:
Ռոզա Յորդանյանը համաձայնեց պատգամավորների հետ այն հարցում, որ աշխատանքի որակը կախված է նախագծից և նախահաշվից, բայց նաև նշեց, որ այդ հարցերն իր ծառայության իրավասության մեջ չեն:
Պատգամավորներին հետաքրքրում էր նաեւ այն հարցը, թե ինչպես են ընկերությունները եզրակացություն ստանում, արդյոք ստուգվում է եզրակացությունը տվողների աշխատանքը: Ինչու նախորդ տարի ուղղակի կազմված պայմանագրերը շատ են եղել:
Ռոզա Յորդանյանն ասաց, որ ուղղակի պայմանագրերը հիմնականում կնքվել են «Օգնություն գյուղին» ծրագրի շրջանակներում: Նրանք ստիպված էին համաձայնվել ուղղակի պայմանագրերի կնքմանը:
«Կան տենդերներ, որոնք մենք մի քանի անգամ հայտարարել էինք, բայց մասնակիցներ չկային, ստիպված ուղղակի պայմանագրեր կազմեցինք», – բացատրեց Ռոզա Յորդանյանը:
Ախալքալաքի մունիցիպալիտետի Սակրեբուլոյի նախագահ Նաիրի Իրիցյանին հետաքրքրում էր, թե ինչու են խոշոր նախագծերի տենդերները հայտարարվում աշնանը, այլ ոչ թե տարեսկզբին:
«Ավելի լավ կլինի, եթե խոշոր նախագծերի տենդերները հայտարարվեն տարեսկզբին: Ընկերությունները տարեսկզբին արդեն մոտավորապես գիտեն, թե որ աշխատանքը ձմեռային է, որը՝ ամառային, ինչ ենթակառուցվածքային աշխատանքներ են իրականացնելու: Նաև արդյունավետության համար անհրաժեշտ չէ մի քանի աշխատանք միավորել մեկ տենդերի մեջ, չնայած դրանց միատիպությանը։ Այդպես ավելի հեշտ կլինի ինչպես աշխատողների, այնպես էլ ստուգողների համար », – ասաց Նաիրի Իրիցյանը:
Քննարկվեց այս տարվա ՕԳ ծրագիրը: Ախալքալաքի մունիցիպալիտետի ՕԳ ծրագրի գումարը այս տարի չի փոխվել: Մունիցիպալիտետը 2020 թվականին ստացել էր շուրջ 922 000 լարի:
Ռոզա Յորդանյանն առաջարկեց այս տարի, նախքան Սակրեբուլոյում ՕԳԾ գումարի հավաստագրումը, գյուղերում սկսել առաջնահերթ աշխատանքների ընտրությունը:
Պատգամավորները նշեցին, որ հաճախ ֆինանսները ծախսվում են, բայց արդյունք չի լինում:
Պատգամավոր Սիփան Շիպակցյանն առաջարկեց, հնարավորության դեպքում, ՕԳ ծրագրով աշխատանքները կատարեն գյուղացիները:
«Եթե հնարավոր է, բացառության կարգով, թող գյուղացիներն իրականացնեն այդ աշխատանքները, օրինակ, եթե տենդերի ընթացքում մենք փողոցային լուսավորության 10 հենասյուն կտեղադրենք, ապա առանց դրա մենք կարող ենք տեղադրել 15», – ասաց Սիփան Շիպակցյանը: