Անբարենպաստ եղանակային պայմանների պատճառով հնարավոր չէ սկսել աշխատանքներ Կոբի-Գուդաուրի հատվածում ճանապարհի մաքրման ուղղությամբ։ Այս մասին հայտարարել է Կազբեգիի քաղաքապետ Ալեքսանդր Զագաշվիլին։
Քաղաքապետի խոսքով՝ արդեն տեղում մոտ հարյուր մարդու օգնություն է ցուցաբերվել:
«Ինչպես հայտնի է, հունվարի 11-ից Կոբի-Գուդաուրի հատվածում երթևեկությունը փակվել է Ջվարիի լեռնանցքում` ձնահյուսի վտանգի և ձյան առատ տեղումների պատճառով: Երեկ մենք օգնեցինք մոտ 100 մարդու, ովքեր խրվել էին ձյան մեջ Կազբեգիի ուղղությամբ, նրանց սնունդ փոխանցեցինք, իսկ 14 հոգի տեղափոխվեցին հյուրանոց: Ներկայումս նախապատրաստական աշխատանքներ են տարվում Կոբի-Գուդաուրի ճոպանուղին գործարկելու համար: Գիտեք, որ ուժեղ քամու պատճառով այս օրերին այն չկարողացանք միացնել: Աշխատանքներ են տարվում բնակչության տեղափոխման ուղղությամբ: Դժվար իրավիճակ է մնում անցուղու վրա, ուստի դժվար է ասել, թե երբ կվերսկսվի տեղաշարժը: Հենց օդերևութաբանական իրավիճակը թույլ տա, անմիջապես սկսվելու են ճանապարհի մաքրման աշխատանքները, բայց դա դեռ հնարավոր չէ»,-հայտարարել է Ալեքսանդր Զագաշվիլին։
