Հայաստանում հունվարի 11-ի դրությամբ կորոնավիրուսով վարակի դեպքերը հասել են 162 288-ի՝ նախորդ օրվա համեմատ ավելանալով 157-ով: Այդ մասին տեղեկացնում է առողջապահության նախարարությունը։
Մեկ օրում թեստավորվել է 1025 հոգի, ընդհանուր առմամբ 609 930 թեստ է արվել։
Մահվան ևս 4 դեպք է գրանցվել, 2-ը՝ կորոնավիրուսից, 2-ը՝ այլ պատճառով, երբ պացիենտներն ունեցել են կորոնավիրուսային վարակ, բայց մահը վրա է հասել այլ հիվանդության հետևանքով։ Ընդհանուր առմամբ, կորոնավիրուսից մահվան 2 931 դեպք կա, այլ պատճառով՝ 702։
Ապաքինվել է ևս 561 մարդ։ Առողջացածների ընդհանուր թիվը 149 873 է։ Փաստացի բուժվողների թիվը 8 782 է։