Հայաստանի նախագահ Արմեն Սարգսյանի հրամանագրով Վահան Քերոբյանը, արմատներով Ախալքալաքի Կարծախ գյուղից, նշանակվել է Էկոնոմիկայի նախարար:
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի, Վահան Քերոբյանին նշանակել էկոնոմիկայի նախարար», – նշված է հրամանագրում:
Էկոնոմիակիայի նախկին նախարար Տիգրան Խաչատրյանը պաշտոնից ազատման դիմումը ներկայացրել է նոյեմբերի 23-ին:
Վահան Քերոբյանը արդեն երկրորդ նորանշանակ նախարարն է արմատներով Ջավախքից: Հայաստանի Հանրապետության նախագահի 2020թ. նոյեմբերի 20-ի հրամանագրով պաշտպանության նախարար է նշանակվել Վաղարշակ Հարությունյանը, ով ծնվել է 1956 թվականի ապրիլի 28-ին, Ախալքալաքում:
