Ելնելով այն բանից, որ մի քանի շաբաթով սահմանափակում ենք մանրածախ առևտուրը, տոնավաճառները, մոլերը և խանութները և հասկանում ենք, որ այստեղ աշխատում են մեր բազմաթիվ քաղաքացիներ, մենք հաստատում ենք նույն տեսակի սոցիալական նպատակային օգնություն, ինչպիսին ունեցել ենք ինքնազբաղվածների համար առաջին ալիքի ժամանակ: Դա կազմում է 300 լարի: Այս մասին ճեպազրույցի ժամանակ հայտարարել է Վրաստանի վարչապետ Գիորգի Գախարիան:
Կառավարության ղեկավարի խոսքով, բացի 300 լարի օգնությունից, կառավարությունը պարտավորվում է օգնել այս ոլորտում աշխատող յուրաքանչյուր անձի, ով վարկ ունի վարկը հետաձգելու համար:
«Ինչ վերաբերում է Վրաստանի կառավարության սոցիալական և բիզնես աջակցության չորրորդ ալիքին, մեր բիզնեսի և սոցիալական աջակցության նախորդ երեք ալիքները ծայրաստիճան նպատակային էին: Եթե առաջին ալիքի պայմաններում մենք չգիտեինք համավարակի և տնտեսական ճգնաժամի հետևանքների մասշտաբները, մենք փորձեցինք այն հնարավորինս բաշխել սոցիալական բոլոր խմբերի վրա: Այսօր մենք առանձնացրել ենք կետային, սակայն պահպանելու ենք ծածկման սկզբունքը:
Ելնելով այն բանից, որ մի քանի շաբաթով սահմանափակում ենք մանրածախ առևտուրը, տոնավաճառները, մոլերը և խանութները և հասկանում ենք, որ այստեղ աշխատում են մեր բազմաթիվ քաղաքացիներ, մենք հաստատում ենք նույն տեսակի սոցիալական նպատակային օգնություն, ինչպիսին ունեցել ենք ինքնազբաղվածների համար առաջին ալիքի ժամանակ: Դա կազմում է 300 լարի: Մենք սկսել ենք այդ մարդկանց հաշվառումը այն ընկերությունների հետ միասին, որտեղ նրանք աշխատում են: Բացի այս 300 լարի օգնությունից, մենք պարտավորություն ենք ստանձնում, որ այս ոլորտում աշխատող յուրաքանչյուր անձ, ով վարկ ունի, պետությունը կօգնի նրանց վարկի հետաձգման հարցում:
Բացի այդ, 0-ից 100 000 միավոր ունեցող ընտանիքների համար, ովքեր ունեն երեք կամ ավելի անչափահաս երեխաներ, մինչև 16 տարեկան, նրանք վեց ամսվա ընթացքում պետությունից նույնպես կստանան 100 լարի օգնություն: Բացի այդ, 6 ամսվա ընթացքում 100 լարի օգնություն կստանան մինչև 18 տարեկան հաշմանդամություն ունեցող անձինք: Այն ընդգրկելու է 43 000 մարդու»,- հայտարարել է Գիորգի Գախարիան:
