Ողջ երկրի մասշտաբով ռեստորանները բաց կլինեն մինչև 22:00-ն: Այս մասին Վրաստանի փոխվարչապետ Մայա Ցքիտիշվիլին հայտնել է Միջգերատեսչական համակարգող խորհրդի նիստից հետո:

«Թբիլիսիում, Քութաիսիում, Մցխեթայում և Բաթումիում ռեստորանների աշխատանքը սահմանափակված էր 22:00-ից: Այնուամենայնիվ, հաշվի առնելով այն փաստը, որ այնտեղ անցկացվող միջոցառումների ժամանակ մեծ թվով վարակման դեպքեր են գրանցվում, այսօր մենք որոշեցինք, որ ռեստորանները կգործեն հանրապետության տարածքում մինչև 22:00-ն: Իհարկե, բացի դրանից, ես ուզում եմ հիշեցնել մեր բնակչությանը, որ այսօրվա դրությամբ այդ սահմանափակումն արդեն ուժի մեջ է: Մենք սահմանափակել ենք այնպիսի սոցիալական միջոցառումների անցկացումը, ինչպիսիք են հարսանիքները, հոգեհացերը, ծննդյան օրերը, մկրտությունները և նմանատիպ սոցիալական իրադարձությունները, նրանց հյուրերի թիվը սահմանափակ է՝ առավելաքույնը 10 հոգի: Մեկ անգամ եւս հիշեցնեմ բնակչությանը և խնդրում եմ նրանց պահպանել այս սահմանափակումը», – հայտարարել է Մայա Ցքիտիշվիլին: