Ելնելով Վրաստանում տիրող համաճարակային իրավիճակից երկրում շարունակվում է որոշակի խստություններ կիրառվել: Շարունակվում է Վրաստան մուտքի և ելքի սահմանափակումները այլ երկրների, այդ թվում՝ Հայաստանի հետ։ Հայաստանից Վրաստան քաղաքացիների մուտքը թույլատրելի է միայն Սադախլոյի անցակետով։

Այսպիսով, այսօրվա դրությամբ Վրաստան կարող են մուտք գործել Վրաստանի քաղաքացիները, այն անձիք, ում ընտանիքի անդմաները են գտնվում Վրաստանում, գործնական և զբոսաշրջային նպատակներով։

Հայաստանում գտնվող Վրաստանի քաղաքացիները կարող են երկիր վերադառնալ միայն Բագրատաշեն-Սադախլո մաքսային անցակետով: Իսկ Նինոծմինդա-Բավրա մաքսային անցակետը բաց է միայն բեռնափոխադրումների համար:

Յուրաքանչյուր երկիր մտնող մարդ պետք է պարտադիր կարանտին անցնի:

Օտարերկրյա քաղաքացիների համար պարտադիր է տեղում հանձնել կորոնավարակի թեստ: Օտարերկրյա քաղաքացիները, որոնք Վրաստան մտնելու թույլտվություն ունեն, թեստն ու կարանտինը պետք է անցնեն սեփական միջոցներով:

Վրաստանի քաղաքացիները կարանտինը կանցնեն անվճար:

Հարկ է նշել, որ կարանտինի տևողույթունը Վրաստանում կրճատվել է 14 օրից մինչև 8: