Ախալքալաքի մունիցիպալիտետի Դիլիսկա գյուղում Վրաստանի դատախազության գլխավոր տեսչության աշխատակիցներն աշխատում են մի քանի քաղաքացիների կանչի հիման վրա: Մեր տեղեկություններով, կանչը գրանցվել է գազի հաշվիչի ցուցումները սխալ գրանցելու պատճառով, քանի որ որոշ գյուղացիներ կարծում են, որ իրենց օգտագործած գազը և հաշվիչի ցուցումները չեն համընկնում:
Այսօր՝ սեպտեմբերի 9-ին, JNEWS– ը տեղեկություն ստացավ, որ Վրաստանի Դատախազության գլխավոր տեսչությունն աշխատում է Դիլիսկա գյուղում, որը ժամանել է գյուղի քաղաքացիների կանչի հիման վրա, քանզի SJGC բաշխիչ ընկերության աշխատակիցը սխալ է հաշվել հաշվիչի ցուցումները, ինչպես նաև այն մասին, որ Դիլիսկա գյուղում կռիվ է տեղի ունենում:
JNEWS-ն այցելեց Դիլիսկա գյուղ։ Գյուղի լիազորի աշխատասենյակում իսկապես աշխատում էր գլխավոր տեսչության խումբը, բայց նրանք հրաժարվեցին մեկնաբանել իրենց այցը:
JNEWS- ի Դիլիսկա կատարած այցի ընթացքում գյուղում կռիվ չկար, իրավիճակը հանգիստ էր:
Մեզ չհաջողվեց ավելի մանրամասն տեղեկատվություն ստանալ կատարվածի մասին, քանի որ գյուղացիները հրաժարվեցին մեկնաբանություն կատարել:
