Jnews-ը իր ընթերցողին է ներկայացնում հայկական ճաշատեսակներից թաթարբորակին և դրա պատրաստման եղանակը:
Հայկական ուտեստներից թաթարբորակին, որը Ջավախքում հայտնի է նաև թըթըրբիրակի, թըթըր, լըպսըտ, մանթի և այլ անվանումներով, ամենասիրված և կշտացնող ճաշատեսակներից է:
Պատրաստման եղանակը.
Ալյուրով, հավկիթով, աղով և ջրով խմոր ենք հունցում: Խմորը պետք է թույլ չլինի: Ստացված խմորը բաժանում ենք հավասար գնդերի, այնուհետև գրտնակով բացում ենք բարակ շերտերի, որից հետո կտրատում ենք փոքր քառակուսիների: Ալյուրոտ ձեռքերով խմորները լցնում ենք նախօրորք ալյուր ցանված սկուտեղի վրա: Կաթսայի մեջ ջուրը եռացնելուց հետո, մի գդալ աղ ենք ավելացնում ջրին և արդեն քառակուսի կտրատված խմորիկները եփում ենք աղաջրում: Եփելուց հետո խմորները քամում ենք: Այնուհետև ափսեի մեջ ենք լցնում թաթարբորակին, վրան ավելացնում սոխառած և մատուցում մածունի հետ: Թաթարբորակին մատուցվում է նաև առանց սոխառածի՝ յուղով, սխտորով և մածունով:
Բրատիսլավ Իգիթխանյան