Արդեն մի քանի օր է, ինչ Ախալքալաքի մունիցիպալիտետի տարբեր գյուղերի բնակիչները գալիս են JNEWS-ի խմբագրություն` փոխհատուցման հետ կապված հարցերով: Մարդկանց այդպիսի հոսքի պատճառը տարատեսակ լուրերն են, որոնք պտտվում են ամբողջ քաղաքում և գյուղերում:

«Ասա, թե ինչ են խոսում բակում» – այս սկզբունքով առաջնորդվելով՝ Ախալքալաքի մունիցիպալիտետի բնակիչները մի քանի օր է դիմում են JNEWS-ի խմբագրություն, ինչպես նաև սոցիալական ցանցերով գրում: Պատճառը փոխհատուցումն է, որը COVID-19 համավարակի ներկայիս իրավիճակի հետ կապված, Վրաստանի կառավարության կողմից հատկացվել է տարբեր կատեգորիաների քաղաքացիներին: Այս ծրագրի արդյունքում օգնություն են ստացել նույնիսկ այն անձինք, որոնց տվյալները չեն համապատասխանել նախնական պայմաններին, օրինակ՝ Վրաստանի քաղաքացիության փոխարեն բնակության թույլտվություն ունեցող անձինք կամ այն ​​անձինք, ովքեր անհրաժեշտ ժամանակահատվածով չեն գտնվել արտասահմանում, փոխհատուցում են ստացել:

Ախալքալաքում լուրեր են տարածվել, որ փոխհատուցումը հասնում է բոլորին անխտիր, որ 300 լարի փոխհատուցումը միանվագ չէ, այլ տրվում է 3 ամիս: Բնակիչներից շատերը դեռ ցանկանում են գրանցվել փոխհատուցման համար, չնայած այն հանգամանքին, որ գրանցման կայքը փակ է, կամ չեն բավարարում փոխհատուցում ստանալու պայմաններին: Բանկի աշխատակիցները նույնպես բնակիչներին ուղարկում են JNEWS֊ի խմբագրություն որպեսզի լրագրողները ստուգեն, թե արդյո՞ք նրանք ճիշտ են գրանցվել:

Փոխհատուցման հարցերի հետ կապված հստակության համար մենք տեղեկացնում ենք, որ ներկայումս անհնար է գրանցվել compensation.moh.gov.ge կայքում, քանի որ կայքն այլևս չի գործում: Ըստ այդմ, անհնար է նաև ստուգել գրանցման ճշտությունը: Խոպանչիների և ինքնազբաղվածների համար 300 լարի փոխհատուցումը միանվագ է: Այս պահին օգնության ծրագիրը գործում է միայն ներառյալ 17 տարեկան երեխաների համար, և կարող եք գրանցվել միայն նպաստը ստանալու համար:

Եթե ​​Դուք բացել եք բանկային հաշիվ, նկատի ունեցեք, որ ամեն ամիս բանկը հաշվեհամարից գանձում է 50 թեթրի սպասարկման վճարը: